Búgin Úkimet otyrysynda QR Ulttyq ekonomika ministri Álibek Qýantyrov Batys Qazaqstan oblysyn damytýdyń 2022-2025 jyldarǵa arnalǵan jańa keshendi jospary aiasynda atqarylatyn jumystardy atady, dep habarlaidy QazAqparat tilshisi.
«Batys Qazaqstan oblysyn damytýdyń keshendi jospary jalpy somasy 2,6 trln teńgeni quraityn 116 is-sharadan turady, onyń ishinde respýblikalyq biýdjet – 416,1 mlrd teńge, jergilikti biýjet – 117,8 mlrd teńge, jeke investitsiialar – 2,1 trln teńge. Ónerkásip jáne kásipkerlik salasynda indýstriialyq aimaq qurý, quiý óndirisin, munaidy tereń óńdeý zaýytyn jáne tsement zaýytyn salý josparlanǵan. Aýyl sharýashylyǵy salasynda 2 jylyjai, 25 bordaqylaý alańyn, 10 sút-taýar fermasyn salý, 4 sharbaqty balyq ósirý sharýashylyǵyn qurý, sýarmaly jerler alańyn 6,6 myń gektardan 50 myń gektarǵa deiin qalpyna keltirý ári keńeitý, Kirov sý qoimasyn rekonstrýktsiialaý kózdelgen», - dedi Á. Qýantyrov.
Onyń aitýynsha, Oral qalasynda 1211 shaqyrym sýmen jabdyqtaý jáne sý burý jelilerin, 46,2 shaqyrym jylýmen jabdyqtaý jelilerin jáne 2051 shaqyrym elektr jelilerin salý ári rekonstrýktsiialaý, 29,7 shaqyrym «Rostoshi-Taipaq» gaz qubyryn rekonstrýktsiialaý, sondai-aq avtomattandyrylǵan gaz taratý stantsiiasyn salý josparlanýda.
Budan basqa, 1842 shaqyrym avtojolǵa jóndeý jáne qaita jańartý, Oral qalasynyń halyqaralyq áýejaiyn jańǵyrtý júrgiziledi.
«Sondai-aq, emhana, kardiologiialyq ortalyq, 74 mektep, stýdentterge arnalǵan 650 oryndyq jataqhana jáne 150 oryndyq ońaltý ortalyǵy salynady. Azamattyq qorǵaýdy qamtamasyz etý úshin 3 órt sóndirý deposynyń qurylysy, Jaiyq ózeniniń jaǵalaýyn nyǵaitý jumystary kózdelgen. Batys Qazaqstan oblysynyń keshendi josparyn iske asyrý nátijesinde, 2025 jylǵa qarai ónerkásip kólemi 55%-ǵa jáne aýyl sharýashylyǵynyń jalpy óniminiń kólemi 56%-ǵa ósedi, sýmen jabdyqtaý qyzmetterine qol jetkizý deńgeii 100%-ǵa jetedi, al elektr jelileriniń tozýy 80%-dan 50%-ǵa deiin azaiady», - dedi ministr.
