Batys elderi reseilik bankterdi SWIFT-ten ajyratýǵa kelisti. Mundai sheshimdi Ulybritaniia, Germaniia, Italiia, Kanada, AQSh, Frantsiia, sondai-aq Eýrokomissiia qabyldady, dep habarlaidy QazAqparat TASS agenttigine silteme jasap.
Ulybritaniia, Germaniia, Italiia, Kanada, AQSh, Frantsiia jáne Eýrokomissiia Reseige qarsy jańa qatań qarjylyq sanktsiialar engizýge, sonyń ishinde keibir bankterdi aqparat berý jáne tólemderdi júzege asyrý úshin SWIFT bankaralyq júiesinen ajyratýǵa kelisti. Bul týraly senbi kúni jýrnalisterge Germaniia úkimetiniń resmi ókili Shteffen Hebestreit málimdedi.
«Halyqaralyq qaýymdastyq sanktsiia salǵan barlyq reseilik bankter, qajet bolǵan jaǵdaida basqa reseilik bankter SWIFT júiesinen ajyratylady», - dedi ol.
Sonymen qatar, S.Hebeshtreittiń aitýynsha, batystyq seriktester Resei Ortalyq bankiniń halyqaralyq qarjylyq operatsiialar arqyly rýbl baǵamyn qoldaý múmkindigin odan ári shekteý týraly sheshim qabyldady.
«Kelisilgen sanktsiialar sonymen qatar Reseidegi jáne Ýkrainadaǵy soǵysty qoldaityn basqa elderdegi jeke tulǵalar men uiymdarǵa da baǵyttalǵan. Atap aitqanda, bul reseilik aýqattylardyń ózderine jáne jaqyndaryna alatyn «altyn tólqujatqa» jáne Eýropa azamattyǵyn alý múmkindigin shekteidi», - dedi S.Hebeshtreit.
«Sonymen qatar, sanktsiialardyń jyldam oryndalýyn qamtamasyz etý jáne sanktsiialarǵa ushyraǵan jeke tulǵalardyń, olardyń otbasylary men firmalarynyń aktivterine tyiym salý úshin AQSh pen EO ókilderiniń qatysýymen jumys toby qurylady», - dedi ol.
