18 mamyrda daryndy kompozitor jáne ánshi Batyrhan Shúkenovtiń týǵanyna 60 jyl tolady. Nominaly 500 teńgelik kúmisten jasalǵan Street art. BATYR BEINESI kollektsiialyq monetalary "Qazaqstandy monetalar arqyly tany" atty jańa seriiany ashady.
"Street art. BATYR BEINESI jańa monetasy zamanaýi óner men Batyrhan Shúkenovti máńgi este qaldyrý sekildi birden eki maǵynalyq jelini biriktiredi. Bul - QUB-tyń strit-art siiaqty qazirgi zamanǵy jastar ónerin qoldaýǵa arnalǵan alǵashqy kollaboratsiialyq moneta jobasy" - delingen Ulttyq bank habarlamasynda.
Monetanyń dizainynda Qazaqstan strit-artynyń eń jarqyn jumystarynyń biri — REPAS komandasynyń "Batyr beinesi" graffitii beinelengen. Avtorlardyń bastamasy boiynsha ony monetanyń dizainynda paidalaný quqyǵy QUB-qa óteýsiz negizde berildi.
Monetalar proof sapamen kúmisten jasalǵan, synamasy - 925/1000, salmaǵy - 31,1 gramm, diametri - 38,61 millimetr, nominaly - 500 teńgelik, taralymy - 5 000 dana.
Kollektsiialyq monetalar naqty qunyna sai Qazaqstan Respýblikasynyń búkil aýmaǵynda tólemderdiń barlyq túri boiynsha qabyldaýǵa, sondai-aq Qazaqstan Respýblikasynyń bank shottarynda aýdarýǵa, usaqtaýǵa jáne aiyrbastaýǵa jatady.
Kúmisten jasalǵan monetalar kádesyi oramynda memlekettik tilde, orys jáne aǵylshyn tilderinde QUB-tyń nómirlik sapa sertifikatymen shyǵarylady.
Kollektsiialyq monetalar Qazaqstan teńge saraiynda daiyndalǵan.
