Qazaqstandyq boksshy Batyr Júkembaev (18-1, 14 KO) kásipqoi bokstaǵy alǵashqy jeńilisinen keiin araǵa jarty jyl salyp, ringke oraldy, dep habarlaidy QazAqparat Sports.kz saityna silteme jasap.

Ol Kanadanyń Monreal qalasynda ótken keshte meksikalyq Hýan Hose Martines Alvarespen (28-10, 20 KO) qolǵap túiistirdi. 

Birinshi jartylai orta salmaqtaǵy aiqas 6 raýndqa eseptelgen bolatyn jáne ol Júkembaevtyń jeńisimen aiaqtaldy. Qazaqstandyq boksshy jekpe-jektiń alǵashqy minýtynda-aq qarsylasyn aldymen, nokdaýnǵa, ile-shala nokaýtqa jiberdi. 

Osylaisha, B.Júkembaev kásipqoi bokstaǵy 19-ynshy jeńisine qol jetkizip, biylǵy mamyrda pýertorikolyq Sabriel Matiastan (17-1, 17 KO) bolǵan jeńilisin «japty». Ol kezde Júkembaev 8-inshi raýndtan keiin aiqasty jalǵastyrýdan bas tartqan edi. 

Hýan Hose Martineske kelsek, bul onyń profiboks mansabyndaǵy 11-inshi jeńilisi. 

Eske salaiyq, keshe B.Júkembaev jekpe-jek aldynda salmaq ólsheý rásiminen ótkenin jazǵan edik. Keshtiń basty aiqasy reseilik Artýr Beterbiev (16-0, 16KO) pen amerikalyq Markýs Braýn (24-1, 16KO) arasynda ótti.