قازاقستاندىق بوكسشى باتىر جٷكەمباەۆ (18-1, 14 كو) كەسٸپقوي بوكستاعى العاشقى جەڭٸلٸسٸنەن كەيٸن اراعا جارتى جىل سالىپ, رينگكە ورالدى, دەپ حابارلايدى قازاقپارات Sports.kz سايتىنا سٸلتەمە جاساپ.

ول كانادانىڭ مونرەال قالاسىندا ٶتكەن كەشتە مەكسيكالىق حۋان حوسە مارتينەس الۆارەسپەن (28-10, 20 كو) قولعاپ تٷيٸستٸردٸ. 

بٸرٸنشٸ جارتىلاي ورتا سالماقتاعى ايقاس 6 راۋندقا ەسەپتەلگەن بولاتىن جەنە ول جٷكەمباەۆتىڭ جەڭٸسٸمەن اياقتالدى. قازاقستاندىق بوكسشى جەكپە-جەكتٸڭ العاشقى مينۋتىندا-اق قارسىلاسىن الدىمەن, نوكداۋنعا, ٸلە-شالا نوكاۋتقا جٸبەردٸ. 

وسىلايشا, ب.جٷكەمباەۆ كەسٸپقوي بوكستاعى 19-ىنشى جەڭٸسٸنە قول جەتكٸزٸپ, بيىلعى مامىردا پۋەرتوريكولىق سابريەل ماتياستان (17-1, 17 كو) بولعان جەڭٸلٸسٸن «جاپتى». ول كەزدە جٷكەمباەۆ 8-ٸنشٸ راۋندتان كەيٸن ايقاستى جالعاستىرۋدان باس تارتقان ەدٸ. 

حۋان حوسە مارتينەسكە كەلسەك, بۇل ونىڭ پروفيبوكس مانسابىنداعى 11-ٸنشٸ جەڭٸلٸسٸ. 

ەسكە سالايىق, كەشە ب.جٷكەمباەۆ جەكپە-جەك الدىندا سالماق ٶلشەۋ رەسٸمٸنەن ٶتكەنٸن جازعان ەدٸك. كەشتٸڭ باستى ايقاسى رەسەيلٸك ارتۋر بەتەربيەۆ (16-0, 16كو) پەن امەريكالىق ماركۋس براۋن (24-1, 16كو) اراسىندا ٶتتٸ.