Qazaq halqy taǵdyrdyń talai taýqymetin moiymai kóterip, bastan keshti. 30 jyldyń ishinde elimizdiń ósip-órkendeýine, álemge tanylýyna qanshama igilikti ister atqaryldy. Alaida búgingi álemdegi jahandyq saiasi oqiǵalar men ekonomikalyq ahýal – halqymyzdyń aldynda turǵan úlken synaq. Sonyń biri – elimizge reseilikterdiń kelýi.
Biz Reseimen tarihymyzda tyǵyz jane uzaq merzim qatynasta bolǵan halyqpyz. Áli de bola bermekpiz. Endigi katynasta tarihi tájiribege súienýge mindettimiz. Tarihi tájiribe – bul máselede abai bolýdy talap etedi. Eki el arasyndaǵy shielinisten, ózara qalyptasqan jaǵdaidy eskerip, bizdiń elge kelgen bosqyndardy qabaldaiyq. Biraq bul sharýany qatal túrde, zandyq negizge negizdep qoiý kajet. Osy máselede jalpaqshesheilikke salynbai, birinshiden, kimniń kelgenin, ekinshiden, bizdiń elde qansha ýaqyt bolatyny sekildi ártúrli máselelerdi qadaǵalaǵan jón. Sondai-aq, másele parlamentte mamandardyń qatysýymen talqylanyp, zandyq sipat alýy durys. Osy talqylaýdyń qandai sheshimmen aiaktalǵanynan halyq habardar bolýǵa tiisti.
Osynyń bárin bilikti basshy júielep, oryndalýyn qadaǵalaý kerek. Alda Prezidenttik sailaý kele jatyr. Bul máselede halyqtyń pikirine qulaq asqan jón. Ádiletti ári ashyq bolady dep úmittenemiz. Qai-qaisymyz bolsaq ta, basty mindetimiz – memlekettigimizdi syilatý. Syi-qurmet bar jerde, yrys ta, bereke de bolady.
