قازاق حالقى تاعدىردىڭ تالاي تاۋقىمەتٸن مويىماي كٶتەرٸپ, باستان كەشتٸ. 30 جىلدىڭ ٸشٸندە ەلٸمٸزدٸڭ ٶسٸپ-ٶركەندەۋٸنە, ەلەمگە تانىلۋىنا قانشاما يگٸلٸكتٸ ٸستەر اتقارىلدى. الايدا بٷگٸنگٸ ەلەمدەگٸ جاھاندىق ساياسي وقيعالار مەن ەكونوميكالىق احۋال – حالقىمىزدىڭ الدىندا تۇرعان ٷلكەن سىناق. سونىڭ بٸرٸ – ەلٸمٸزگە رەسەيلٸكتەردٸڭ كەلۋٸ.
بٸز رەسەيمەن تاريحىمىزدا تىعىز جانە ۇزاق مەرزٸم قاتىناستا بولعان حالىقپىز. ەلٸ دە بولا بەرمەكپٸز. ەندٸگٸ كاتىناستا تاريحي تەجٸريبەگە سٷيەنۋگە مٸندەتتٸمٸز. تاريحي تەجٸريبە – بۇل مەسەلەدە اباي بولۋدى تالاپ ەتەدٸ. ەكٸ ەل اراسىنداعى شيەلٸنٸستەن, ٶزارا قالىپتاسقان جاعدايدى ەسكەرٸپ, بٸزدٸڭ ەلگە كەلگەن بوسقىنداردى قابالدايىق. بٸراق بۇل شارۋانى قاتال تٷردە, زاندىق نەگٸزگە نەگٸزدەپ قويۋ كاجەت. وسى مەسەلەدە جالپاقشەشەيلٸككە سالىنباي, بٸرٸنشٸدەن, كٸمنٸڭ كەلگەنٸن, ەكٸنشٸدەن, بٸزدٸڭ ەلدە قانشا ۋاقىت بولاتىنى سەكٸلدٸ ەرتٷرلٸ مەسەلەلەردٸ قاداعالاعان جٶن. سونداي-اق, مەسەلە پارلامەنتتە مامانداردىڭ قاتىسۋىمەن تالقىلانىپ, زاندىق سيپات الۋى دۇرىس. وسى تالقىلاۋدىڭ قانداي شەشٸممەن اياكتالعانىنان حالىق حاباردار بولۋعا تيٸستٸ.
وسىنىڭ بەرٸن بٸلٸكتٸ باسشى جٷيەلەپ, ورىندالۋىن قاداعالاۋ كەرەك. الدا پرەزيدەنتتٸك سايلاۋ كەلە جاتىر. بۇل مەسەلەدە حالىقتىڭ پٸكٸرٸنە قۇلاق اسقان جٶن. ەدٸلەتتٸ ەرٸ اشىق بولادى دەپ ٷمٸتتەنەمٸز. قاي-قايسىمىز بولساق تا, باستى مٸندەتٸمٸز – مەملەكەتتٸگٸمٸزدٸ سىيلاتۋ. سىي-قۇرمەت بار جەردە, ىرىس تا, بەرەكە دە بولادى.
