71 myń qazaqstandyq jeńildetilgen avtonesiemen kólik satyp ala alady. Bul týraly QR Premer-Ministriniń birinshi orynbasary Roman Skliar málim etti, dep habarlaidy, dep habarlaidy QazAqparat.
«Buǵan deiin qańtar aiynda aitqanymdai, «Jasyl damý» AQ esepshotyndaǵy 200 mlrd teńgeden astam bos qaldyq halyqtyń igiligi úshin jumsalýy tiis. Biz muny qalai júzege asyrmaqpyz? 100 mlrd teńge otandyq kólikterdi satyp alý úshin jeńildetilgen avtonesiege beriledi. Sharty mynadai: jyldyq mólsherlemesi - 4 paiyz jáne bastapqy jarna - 0 paiyz. Bastapqy jarnasy - 20 paiyz, jyldyq mólsherlemesi 4 paiyzben 7 jylǵa beriletin qazirgi qoldanystaǵy baǵdarlamadan aiyrmashylyǵy osynda. Segmenti qymbat emes kólikter ekeni túsinikti. Osylaisha, bizdiń 71 myń azamatymyz qoljetimdi baǵaǵa jáne qoljetimdi kredittik resýrstarǵa jańa kólik satyp ala alady», - dedi Roman Skliar «Habar-24» telearnasyndaǵy «Suhbat» baǵdarlamasy barysynda.
