Prezident Qasym-Jomart Toqaev sheneýnikterdiń jumysyn baǵalaýdyń basta kórsetkishin atady, dep habarlaidy "Ult aqparat".
"Memlekettik qyzmetshiler jalyndy uran men jalań sózge úiir bolmaýǵa tiis. Olar barynsha tiimdi ári ónimdi jumys isteýi qajet. Halyqqa ádemi josparlardyń qajeti joq. Ádemi baiandamalar da qajet emes. Jurttyń kútip otyrǵany – naqty sheshimder jáne nátijeli jumys", - dedi Toqaev sailaýaldy shtabtyń otyrysynda.
Onyń aitýynsha, barsha halyqtyń ál-aýqatyn arttyrý sheneýnikterdiń basty baǵdaryna ainalady.
"Olardyń kásibi qyzmeti sol arqyly ólshenedi. Óitkeni, bul – bizdiń jalpyulttyq maqsatymyz. "Basshylardyń aitqany - zań" degen uǵym kelmeske ketedi. Birinshi orynda halyqtyń jáne memlekettiń múddesi turýy kerek", - dep atap kórsetti Memleket basshysy.
Osy oraida Prezident árbir azamat uly Abaidyń «Paida oilama, ar oila» degen ósietin berik ustanýy qajet ekenin aitty.
"Salaaralyq tartysqa jáne shaǵyn toptyń múddesin astyrtyn qorǵaýǵa túbegeili tyiym salynady. Sybailas jemqorlyqtyń jolyn kesý úshin naqty nátije beretin tiimdi tásilder qolǵa alynady" - dedi Toqaev.
