«Baspana Hit» ipotekalyq baǵdarlamasy boiynsha paiyzdyq mólsherlemeler 11%-dan 10,75%-ǵa deiin tómendetildi, dep habarlaidy «Baspana» ipotekalyq uiymy.
Igi bastama Qazaqstan Respýblikasynyń Ulttyq Banki (budan ári – QRUB) 15 sáýirde bazalyq mólsherlemeni 9,0% deńgeige deiin tómendetý týraly sheshim qabyldaǵannan keiin júzege asty. «Baspana Hit» baǵdarlamasy boiynsha jyldyq syiaqy mólsheri QRUB bazalyq stavkasyna (QRUB bazalyq stavkasy +1,75%) bailanysty bolatynyn eske salamyz.
«Paiyzdyq ústeme ipotekalyq qaryz shartyn jasaý sátinde tirkeledi jáne klient úshin ózgerissiz qalady. Baspana Hittiń ipotekany 11%-ben alǵan boryshkerleri ai saiynǵy tólemderdi buryn bekitilgen kestege sáikes tóleidi. Paiyzdyq mólsherlemedegi ózgerister jańa klientterge ǵana qatysty bolady», – dedi «Baspana» IU basqarma tóraǵasynyń orynbasary Darhan Baiqýatov.
Baspana Hit boiynsha maquldanǵan kreditterdiń somasy 25 mlrd. teńgege jetti. Búgingi kúnge deiin 3 113 qazaqstandyq osy ipotekalyq baǵdarlama boiynsha páter aldy.
Baspana Hit azamattyń menshiginde baspanasy bolsa da bastapqy ne qoldanysta bolǵan turǵyn úidi alýǵa múmkindik beredi. Ipotekany 8 bank beredi: Halyq banki, TsentrKredit bank, Sberbank, Tsesnabank, Eýraziialyq banki, Forte Bank, Bank RBK jáne ATFBank.
Azamattardyń ai saiynǵy tólemderin esepteýine qolaily bolýy úshin Baspana Hit ipotekalyq kalkýliatory iske qosyldy.
