«باسپانا حيت» يپوتەكالىق باعدارلاماسى بويىنشا پايىزدىق مٶلشەرلەمەلەر 11%-دان 10,75%-عا دەيٸن تٶمەندەتٸلدٸ, دەپ حابارلايدى «باسپانا» يپوتەكالىق ۇيىمى.
يگٸ باستاما قازاقستان رەسپۋبليكاسىنىڭ ۇلتتىق بانكٸ (بۇدان ەرٸ – قرۇب) 15 سەۋٸردە بازالىق مٶلشەرلەمەنٸ 9,0% دەڭگەيگە دەيٸن تٶمەندەتۋ تۋرالى شەشٸم قابىلداعاننان كەيٸن جٷزەگە استى. «باسپانا حيت» باعدارلاماسى بويىنشا جىلدىق سىياقى مٶلشەرٸ قرۇب بازالىق ستاۆكاسىنا (قرۇب بازالىق ستاۆكاسى +1,75%) بايلانىستى بولاتىنىن ەسكە سالامىز.
«پايىزدىق ٷستەمە يپوتەكالىق قارىز شارتىن جاساۋ سەتٸندە تٸركەلەدٸ جەنە كليەنت ٷشٸن ٶزگەرٸسسٸز قالادى. باسپانا حيتتٸڭ يپوتەكانى 11%-بەن العان بورىشكەرلەرٸ اي سايىنعى تٶلەمدەردٸ بۇرىن بەكٸتٸلگەن كەستەگە سەيكەس تٶلەيدٸ. پايىزدىق مٶلشەرلەمەدەگٸ ٶزگەرٸستەر جاڭا كليەنتتەرگە عانا قاتىستى بولادى», – دەدٸ «باسپانا» يۇ باسقارما تٶراعاسىنىڭ ورىنباسارى دارحان بايقۋاتوۆ.
باسپانا حيت بويىنشا ماقۇلدانعان كرەديتتەردٸڭ سوماسى 25 ملرد. تەڭگەگە جەتتٸ. بٷگٸنگٸ كٷنگە دەيٸن 3 113 قازاقستاندىق وسى يپوتەكالىق باعدارلاما بويىنشا پەتەر الدى.
باسپانا حيت ازاماتتىڭ مەنشٸگٸندە باسپاناسى بولسا دا باستاپقى نە قولدانىستا بولعان تۇرعىن ٷيدٸ الۋعا مٷمكٸندٸك بەرەدٸ. يپوتەكانى 8 بانك بەرەدٸ: حالىق بانكٸ, تسەنتركرەديت بانك, سبەربانك, تسەسنابانك, ەۋرازييالىق بانكٸ, Forte Bank, Bank RBK جەنە اتفبانك.
ازاماتتاردىڭ اي سايىنعى تٶلەمدەرٸن ەسەپتەۋٸنە قولايلى بولۋى ٷشٸن باسپانا حيت يپوتەكالىق كالكۋلياتورى ٸسكە قوسىلدى.
