Shymkent Densaýlyq saqtaý basqarmasy adam aǵzasyn zańsyz transplantatsiialaý kúdigimen ustalǵan dárigerge qatysty pikir bildirdi, – dep habarlaidy «Ult aqparat».
«1 qalalyq klinikalyq aýrýhanasynyń bas dárigeri Donbai Abylai Abdýjapparulynyń ýaqytsha ustaý izoliatoryna qamalǵany týraly aqparat BAQ-da taralǵan bolatyn. Shymkent qalasynyń densaýlyq saqtaý basqarmasy bul aqparatty resmi túrde rastap, qylmystyq is tergelip jatqandyǵyn habarlaidy. Memlekettik organ retinde tergeý barysyna aralasýǵa quqymyz joq. Atalǵan fakti boiynsha quqyq qorǵaý organdary is júrgizý sheshimin qabyldaidy. Abylai Abdýjapparuly 2019 jyldyń naýryz aiynan bastap №1 qalalyq klinikalyq aýrýhanada bas dárigerdiń qyzmetin atqaryp kelgen» delingen basqarma taratqan habarlamada.
Eske salsaq, keshe Shymkent qalalyq №1 klinikalyq aýrýhanasynyń bas dárigeri ýaqytsha oqshaýlaǵyshqa qamalǵanyn habarlaǵan bolatynbyz. Ol Qazaqstan aýmaǵynda uiymdastyrýshysy shet memlekettiń azamaty bolyp tabylatyn qylmystyq top adam aǵzalaryn transplantatsiialaý boiynsha áreket etken dep kúdiktelýde.
