شىمكەنت دەنساۋلىق ساقتاۋ باسقارماسى ادام اعزاسىن زاڭسىز ترانسپلانتاتسييالاۋ كٷدٸگٸمەن ۇستالعان دەرٸگەرگە قاتىستى پٸكٸر بٸلدٸردٸ, – دەپ حابارلايدى «ۇلت اقپارات».
«1 قالالىق كلينيكالىق اۋرۋحاناسىنىڭ باس دەرٸگەرٸ دونباي ابىلاي ابدۋجاپپارۇلىنىڭ ۋاقىتشا ۇستاۋ يزولياتورىنا قامالعانى تۋرالى اقپارات باق-دا تارالعان بولاتىن. شىمكەنت قالاسىنىڭ دەنساۋلىق ساقتاۋ باسقارماسى بۇل اقپاراتتى رەسمي تٷردە راستاپ, قىلمىستىق ٸس تەرگەلٸپ جاتقاندىعىن حابارلايدى. مەملەكەتتٸك ورگان رەتٸندە تەرگەۋ بارىسىنا ارالاسۋعا قۇقىمىز جوق. اتالعان فاكتٸ بويىنشا قۇقىق قورعاۋ ورگاندارى ٸس جٷرگٸزۋ شەشٸمٸن قابىلدايدى. ابىلاي ابدۋجاپپارۇلى 2019 جىلدىڭ ناۋرىز ايىنان باستاپ №1 قالالىق كلينيكالىق اۋرۋحانادا باس دەرٸگەردٸڭ قىزمەتٸن اتقارىپ كەلگەن» دەلٸنگەن باسقارما تاراتقان حابارلامادا.
ەسكە سالساق, كەشە شىمكەنت قالالىق №1 كلينيكالىق اۋرۋحاناسىنىڭ باس دەرٸگەرٸ ۋاقىتشا وقشاۋلاعىشقا قامالعانىن حابارلاعان بولاتىنبىز. ول قازاقستان اۋماعىندا ۇيىمداستىرۋشىسى شەت مەملەكەتتٸڭ ازاماتى بولىپ تابىلاتىن قىلمىستىق توپ ادام اعزالارىن ترانسپلانتاتسييالاۋ بويىنشا ەرەكەت ەتكەن دەپ كٷدٸكتەلۋدە.
