- Úshinshi dúniejúzilik soǵys bolatyny seziledi. Mundai pikirdi Siriia prezidenti Bashar Asad www.kp.ru saityna bergen suhbatynda aitty.
«Qazirgi tańda órshý satysyndaǵy «qyrǵi qabaq soǵysyna» uqsas jaǵdaidy baiqap otyrmyz», - dedi ol, óz elindegi qarsylyqtyń kúsheiýimen bailanysty oqiǵalardy meńzep.
Onyń sózine qaraǵanda, ázirge tikelei áskeri qaqtyǵystar joq. «Alaida áskeri, lańkestik jáne saiasi turǵyda bar», - dedi Asad. Ol qazir Siriia «bul soǵystyń bir bóligi ǵana» ekenin aitty.
Asadtyń pikirinshe, Batys jáne negizinen AQSh KSRO qulaǵannan keiin de «qyrǵi qabaq soǵysty» toqtatpady. Qazir Vashingtonnyń basty maqsaty - «álemdegi amerikalyq ústemdikti saqtap qalý, saiasi nemese halyqaralyq arenada eshkimniń seriktes bolýyna jol bermeý».
Asad elde zańdy negizde júrgen Resei, Iran jáne «Hezballa» sheiit qozǵalysy Siriianyń turaqty odaqtastary ekenin aitty. «Olar lańkesterge qarsy soǵysyp jatyr, alaida terrorshylardy qoldaý maqsatynda aralasyp jatqan ózge elder de bar», - dep atap ótti prezident.
