Siriia prezidenti Bashar Asad Siriiadaǵy jaǵdaidy retteýge qatysty kelissózderge daiyn ekenin málimdedi, - dep habarlaidy Reuters.
Bashar Asad delegatsiianyń barlyq suraqty talqylaýǵa daiyn ekenin aityp ótti. Alaida Astanaǵa naqty kimniń baratyny belgisiz bolyp tur.
Sondai-aq, Siriia prezidenti óziniń prezidenttigi jaily suraqqa jaýap berdi. Bashar Asad eger de úkimettegiler osy máseleni talqylaǵysy keletin bolsa, olar bastapqyda konstitýtsiiaǵa súiený kerek ekenin aitty. Prezidenttiń aitýynsha, kez kelgen konstitýtsiialyq suraq referendýmda jaýabyn tabý kerek.
Eske sala keteiik, osyǵan deiin Siriianyń shamamen on oppozitsiialyq tobynyń ókili Damask tarapynan ereje buzýshylyqtar bolǵandyqtan, Astanada kelissózderdi ótkizýdi toqtata turatyndaryn málimdegen bolatyn. "Damask tarapynan bul buzýshylyqtardyń jalǵasyp jatýyna bailanysty oppozitsiialyq toptyń ókilderi Astanada ótetin kelissózderge qatysty barlyq máseleni talqylaýdy toqtatatyndaryn málimdedi", - delingen edi oppozitsiialyq toptyń úndeýinde.
Sondai-aq, Resei men Túrkiia kóshbasshylary Siriiadaǵy qaqtyǵysýshy taraptar arasyndaǵy ahýaldy beibit retteýge arnalǵan kelissózderdi Astanada ótkizýge múddeli ekendikterin bildirgen bolatyn. Nursultan Nazarbaev bul bastamany qoldap, Qazaqstan elordasynda mundai kelissózder júrgizý úshin qajetti jaǵdai jasaýǵa daiyn ekenin málimdegen bolatyn.
