سيرييا پرەزيدەنتٸ باشار اساد سيريياداعى جاعدايدى رەتتەۋگە قاتىستى كەلٸسسٶزدەرگە دايىن ەكەنٸن مەلٸمدەدٸ, - دەپ حابارلايدى Reuters.
باشار اساد دەلەگاتسييانىڭ بارلىق سۇراقتى تالقىلاۋعا دايىن ەكەنٸن ايتىپ ٶتتٸ. الايدا استاناعا ناقتى كٸمنٸڭ باراتىنى بەلگٸسٸز بولىپ تۇر.
سونداي-اق, سيرييا پرەزيدەنتٸ ٶزٸنٸڭ پرەزيدەنتتٸگٸ جايلى سۇراققا جاۋاپ بەردٸ. باشار اساد ەگەر دە ٷكٸمەتتەگٸلەر وسى مەسەلەنٸ تالقىلاعىسى كەلەتٸن بولسا, ولار باستاپقىدا كونستيتۋتسيياعا سٷيەنۋ كەرەك ەكەنٸن ايتتى. پرەزيدەنتتٸڭ ايتۋىنشا, كەز كەلگەن كونستيتۋتسييالىق سۇراق رەفەرەندۋمدا جاۋابىن تابۋ كەرەك.
ەسكە سالا كەتەيٸك, وسىعان دەيٸن سيرييانىڭ شامامەن ون وپپوزيتسييالىق توبىنىڭ ٶكٸلٸ داماسك تاراپىنان ەرەجە بۇزۋشىلىقتار بولعاندىقتان, استانادا كەلٸسسٶزدەردٸ ٶتكٸزۋدٸ توقتاتا تۇراتىندارىن مەلٸمدەگەن بولاتىن. "داماسك تاراپىنان بۇل بۇزۋشىلىقتاردىڭ جالعاسىپ جاتۋىنا بايلانىستى وپپوزيتسييالىق توپتىڭ ٶكٸلدەرٸ استانادا ٶتەتٸن كەلٸسسٶزدەرگە قاتىستى بارلىق مەسەلەنٸ تالقىلاۋدى توقتاتاتىندارىن مەلٸمدەدٸ", - دەلٸنگەن ەدٸ وپپوزيتسييالىق توپتىڭ ٷندەۋٸندە.
سونداي-اق, رەسەي مەن تٷركييا كٶشباسشىلارى سيريياداعى قاقتىعىسۋشى تاراپتار اراسىنداعى احۋالدى بەيبٸت رەتتەۋگە ارنالعان كەلٸسسٶزدەردٸ استانادا ٶتكٸزۋگە مٷددەلٸ ەكەندٸكتەرٸن بٸلدٸرگەن بولاتىن. نۇرسۇلتان نازارباەۆ بۇل باستامانى قولداپ, قازاقستان ەلورداسىندا مۇنداي كەلٸسسٶزدەر جٷرگٸزۋ ٷشٸن قاجەتتٸ جاعداي جاساۋعا دايىن ەكەنٸن مەلٸمدەگەن بولاتىن.
