QR Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov «Básekelestikti damytý jónindegi ulttyq jobanyń» negizgi baǵyttaryn aityp berdi, dep habarlaidy QazAqparat.
«Básekelestikti damytý jónindegi ulttyq joba» kásipkerler sanyn ósirýge jáne teń jaǵdai jasaýǵa baǵyttalǵan. Ol birjalyq saýdany, elektr egnergiiasy naryǵyndaǵy básekelestikti damytýdy jáne memlekettiń ekonomikaǵa qatysýyn azaitýdy kózdeidi. Úshinshisi, otyn-energetikalyq keshen naryǵynda iri kompaniialar jumys isteidi, sondyqtan resýrstarǵa qoljetimdilik shektelgen. Birjalyq saýda shaǵyn kompaniialarǵa benzindi, aviakerosindi, dizel otynyn, bitýmdy deldalsyz satyp alýǵa múmkindik beredi. Jetkizýshiler sany artady, básekelestik kúsheiedi. 2025 jylǵa qarai, saýda-sattyq kólemi 20 paiyzdy quraidy. Sondai-aq, birjalyq indikatorlar qurylady. Bul munai ónimderi baǵasyn baqylaýdy qamtamasyz etedi», - dedi R. Ahmetov Ortalyq kommýnikatsiialar qyzmetinde ótken baspasóz máslihatynda.
Ulttyq joba sondai-aq elektr energiiasynyń saýda-sattyq kólemin 30 paiyzǵa arttyrýdy kózdeidi. Budan basqa, jetkizýshilerdi aýystyrý tetigi kózdeledi, tutynýshy jetkizýshini tańdai alady.
«Besinshisi, memlekettik kásipkerlik deńgeiin tómendetý. Munda memlekettik tapsyrmalar sanyn 20 paiyzǵa deiin tómendetý usynylady. Osyǵan bailanysty 18 mlrd teńge somaǵa qyzmetter konkýrs arqyly satyp alynady. Memlekettik operator qysqartylady. Bir kózden memlekettik satyp alýdyń 5 negizi alynyp tastalady. Bul tek negizgi jobalar. Alaida, qosymsha otyzdan astam is-sharadan turatyn jospar ázirlendi. Olar ulttyq jobaǵa kirmegen, biraq olar básekelestikti damytý úshin mańyzdy. Bul – jeke temir jol tasymaldaýshylaryn, bailanys operatorlaryn jáne sýbsidiia alýshylardy ulǵaitý, sondai-aq, bizneske qoiylatyn talaptardy qysqartý», - deidi spiker.
Sonymen birge, «Básekelestikti damytý jónindegi ulttyq joba» mynadai nátijelerge qol jetkizýge baǵyttalǵan: memlekettiń ekonomikadaǵy úlesin 14 paiyzǵa deiin tómendetý, orta kásipkerlik úlesin 15 paiyzǵa deiin ulǵaitý, shaǵyn jáne orta biznes úshin 2 trln 600 mlrd teńge kóleminde taýar naryqtaryna qol jetkizýdi ulǵaitý.
«Ulttyq joba is-sharalarynyń kópshiligi básekelestik jónindegi zań jobasynda iske asyrylady. Ol shekteýli resýrstarǵa qol jetkizýdi qamamasyz etýge, bir kózden satyp alýdy qysqartýǵa, memlekettik jáne jekeshe operatorlardyń qyzmetin sondai-aq tsifrlyq ekonomikany retteýge baǵyttalǵan. Qazirgi ýaqytta zań jobasy Premer-Ministr keńsesine engizildi. Zań jobasy bazalyq taýar naryqtaryndaǵy básekelestikti damytýǵa negiz bolady», - dedi Rýstam Ahmetov.
