قر بەسەكەلەستٸكتٸ قورعاۋ جەنە دامىتۋ اگەنتتٸگٸ تٶراعاسىنىڭ بٸرٸنشٸ ورىنباسارى رۋستام احمەتوۆ «بەسەكەلەستٸكتٸ دامىتۋ جٶنٸندەگٸ ۇلتتىق جوبانىڭ» نەگٸزگٸ باعىتتارىن ايتىپ بەردٸ, دەپ حابارلايدى قازاقپارات.
«بەسەكەلەستٸكتٸ دامىتۋ جٶنٸندەگٸ ۇلتتىق جوبا» كەسٸپكەرلەر سانىن ٶسٸرۋگە جەنە تەڭ جاعداي جاساۋعا باعىتتالعان. ول بيرجالىق ساۋدانى, ەلەكتر ەگنەرگيياسى نارىعىنداعى بەسەكەلەستٸكتٸ دامىتۋدى جەنە مەملەكەتتٸڭ ەكونوميكاعا قاتىسۋىن ازايتۋدى كٶزدەيدٸ. ٷشٸنشٸسٸ, وتىن-ەنەرگەتيكالىق كەشەن نارىعىندا ٸرٸ كومپانييالار جۇمىس ٸستەيدٸ, سوندىقتان رەسۋرستارعا قولجەتٸمدٸلٸك شەكتەلگەن. بيرجالىق ساۋدا شاعىن كومپانييالارعا بەنزيندٸ, اۆياكەروسيندٸ, ديزەل وتىنىن, بيتۋمدى دەلدالسىز ساتىپ الۋعا مٷمكٸندٸك بەرەدٸ. جەتكٸزۋشٸلەر سانى ارتادى, بەسەكەلەستٸك كٷشەيەدٸ. 2025 جىلعا قاراي, ساۋدا-ساتتىق كٶلەمٸ 20 پايىزدى قۇرايدى. سونداي-اق, بيرجالىق ينديكاتورلار قۇرىلادى. بۇل مۇناي ٶنٸمدەرٸ باعاسىن باقىلاۋدى قامتاماسىز ەتەدٸ», - دەدٸ ر. احمەتوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ۇلتتىق جوبا سونداي-اق ەلەكتر ەنەرگيياسىنىڭ ساۋدا-ساتتىق كٶلەمٸن 30 پايىزعا ارتتىرۋدى كٶزدەيدٸ. بۇدان باسقا, جەتكٸزۋشٸلەردٸ اۋىستىرۋ تەتٸگٸ كٶزدەلەدٸ, تۇتىنۋشى جەتكٸزۋشٸنٸ تاڭداي الادى.
«بەسٸنشٸسٸ, مەملەكەتتٸك كەسٸپكەرلٸك دەڭگەيٸن تٶمەندەتۋ. مۇندا مەملەكەتتٸك تاپسىرمالار سانىن 20 پايىزعا دەيٸن تٶمەندەتۋ ۇسىنىلادى. وسىعان بايلانىستى 18 ملرد تەڭگە سوماعا قىزمەتتەر كونكۋرس ارقىلى ساتىپ الىنادى. مەملەكەتتٸك وپەراتور قىسقارتىلادى. بٸر كٶزدەن مەملەكەتتٸك ساتىپ الۋدىڭ 5 نەگٸزٸ الىنىپ تاستالادى. بۇل تەك نەگٸزگٸ جوبالار. الايدا, قوسىمشا وتىزدان استام ٸس-شارادان تۇراتىن جوسپار ەزٸرلەندٸ. ولار ۇلتتىق جوباعا كٸرمەگەن, بٸراق ولار بەسەكەلەستٸكتٸ دامىتۋ ٷشٸن ماڭىزدى. بۇل – جەكە تەمٸر جول تاسىمالداۋشىلارىن, بايلانىس وپەراتورلارىن جەنە سۋبسيدييا الۋشىلاردى ۇلعايتۋ, سونداي-اق, بيزنەسكە قويىلاتىن تالاپتاردى قىسقارتۋ», - دەيدٸ سپيكەر.
سونىمەن بٸرگە, «بەسەكەلەستٸكتٸ دامىتۋ جٶنٸندەگٸ ۇلتتىق جوبا» مىناداي نەتيجەلەرگە قول جەتكٸزۋگە باعىتتالعان: مەملەكەتتٸڭ ەكونوميكاداعى ٷلەسٸن 14 پايىزعا دەيٸن تٶمەندەتۋ, ورتا كەسٸپكەرلٸك ٷلەسٸن 15 پايىزعا دەيٸن ۇلعايتۋ, شاعىن جەنە ورتا بيزنەس ٷشٸن 2 ترلن 600 ملرد تەڭگە كٶلەمٸندە تاۋار نارىقتارىنا قول جەتكٸزۋدٸ ۇلعايتۋ.
«ۇلتتىق جوبا ٸس-شارالارىنىڭ كٶپشٸلٸگٸ بەسەكەلەستٸك جٶنٸندەگٸ زاڭ جوباسىندا ٸسكە اسىرىلادى. ول شەكتەۋلٸ رەسۋرستارعا قول جەتكٸزۋدٸ قاماماسىز ەتۋگە, بٸر كٶزدەن ساتىپ الۋدى قىسقارتۋعا, مەملەكەتتٸك جەنە جەكەشە وپەراتورلاردىڭ قىزمەتٸن سونداي-اق تسيفرلىق ەكونوميكانى رەتتەۋگە باعىتتالعان. قازٸرگٸ ۋاقىتتا زاڭ جوباسى پرەمەر-مينيستر كەڭسەسٸنە ەنگٸزٸلدٸ. زاڭ جوباسى بازالىق تاۋار نارىقتارىنداعى بەسەكەلەستٸكتٸ دامىتۋعا نەگٸز بولادى», - دەدٸ رۋستام احمەتوۆ.
