QR Básekelestikti qorǵaý jáne damytý agenttiginiń tóraǵasy Serik Jumanǵarin Básekelestikti damytý máseleleri boiynsha zań aiasynda qandai jańalyqtar engizilgenin túsindirdi, dep habarlaidy QazAqparat.
«Elimizde Básekelestikti damytý máseleleri boiynsha zańnyń, iaǵni 5-shi monopoliiaǵa qarsy pakettiń qabyldanýy mańyzdy oqiǵa boldy. Onyń ózekti jańalyqtaryn birneshe bólimge bólip aitýǵa bolady. Birinshiden, «negizgi qýat doktrinasyn» engizý. Negizgi qýat dep ústem nemese monopoliialyq jaǵdaiǵa ie naryq sýbektisiniń taýar nemese infraqurylym obektisi aitylady, oǵan qol jetkizbei naryqtyń basqa sýbektileri óz qyzmetin sol nemese sabaqtas taýar naryǵynda júrgize almaidy. Zańda negizgi qýatqa teń qol jetkizý qaǵidattary aiqyndalǵan», - dedi S. Jumanǵarin Básekelestikti qorǵaý jáne damytý agenttigi alqasynyń otyrysynda.
Ekinshiden, 1 shildeden bastap «arnaiy quqyq» institýty engiziledi. Arnaiy quqyq – básekelestik naryqta taýardy óndirýge, ótkizýge jáne satyp alýǵa zańmen bekitilgen naryq sýbektisiniń airyqsha nemese basym quqyǵy. Bul zańnamalyq tetik monopoliialyq operatorlardyń qyzmetin retteý úshin engizildi. Arnaiy zań memlekettik monopoliia úshin qarastyrylǵan shekteýlerdi de qamtidy.
«Úshinshiden, «Effet utile» qaǵidatyn iske asyrý úshin normativtik quqyqtyq aktilerdi ázirleý kezinde retteýshi normalardyń básekelestikke áserin baǵalaý bar. Bul tájiribeni biz Ekonomikalyq yntamastyq jáne damý uiymynan aldyq. Eger baǵalaý nátijeleri taýar naryǵyndaǵy básekeles ortanyń jai-kúii nasharlaýy múmkin ekenin kórsetse, ázirleýshi baǵalanatyn retteý normalary siiaqty maqsattarǵa jetýge múmkindik beretin básekelestikke qarsy neǵurlym az balamany tabýǵa tiis. Tórtinshiden, senimdi tulǵa institýtyn engizý. Bul – ekonomikalyq shoǵyrlanýdy maquldaý kezinde naryq sýbektisiniń monopoliiaǵa qarsy organ talaptaryn oryndaýyna baǵa beretin táýelsiz sarapshy», - dedi spiker.
Besinshiden, memlekettik qoldaý sharalaryn kórsetýge qoiylatyn básekelestik qaǵidattary men talaptaryn aiqyndaý kózdeldi. Biyldan bastap memlekettik qoldaýdyń jańa sharalary, sondai-aq olardy kórsetý qaǵidalary monopoliiaǵa qarsy organmen mindetti túrde kelisilýi qajet.
Altynshy, monopoliiaǵa qarsy komplaens institýtyn damytý bar. Komplaenstiń ishki aktisi endi monopoliiaǵa qarsy organnyń ádistemelik usynymdaryna sáikes ázirlenýi tiis. Kompaniiada monopoliiaǵa qarsy komplaenstiń tiimdi ishki aktisiniń bolýy endi básekelestik zańnamany buzý týraly isterdi qaraý kezinde eskeriletin bolady. Sonymen qatar, bul ákimshilik aiyppul mólsherin azaitý týraly ótinish berý múmkindigin beredi.
«Jetinshiden, monopoliiaǵa qarsy organnyń suraý salýy boiynsha aqparat berý merzimin uzartý múmkindigi qaraldy. Budan basqa, kelisý komissiiasy sheńberindegi tergep-tekserýlerdi, barlyq protsestik áreketterdi qaita bastaý merzimderi reglamenttelgen. Segizinshi, monopoliiaǵa qarsy zańnamanyń keibir buzýshylyqtarynyń anyqtamalary qaita qaraldy. Yqtimal básekelester arasyndaǵy básekelestikke qarsy kelisimder men kelisilgen is-áreketter endi deńgeiles bolady, bul memlekettik satyp alýlarda kartelderdi dáleldeýdi jeńildetedi», - dedi Serik Jumanǵarin.
