Qazaqstannyń bas sanitarlyq dárigeri Aijan Esmaǵambetova Qazaqstan Respýblikasynyń halqy arasynda koronavirýstyq infektsiia aýrýynyń aldyn alý jónindegi sharalardy odan ári kúsheitý týraly qailyǵa qol qoidy. "Ult aqparat" oqyrman nazaryna qujat mátinin usynady.
***
Qazaqstan Respýblikasynyń halqy arasynda COVID-19 koronavirýstyq infektsiiasynyń (budan ári – COVID-19) taralýynyń aldyn alý maqsatynda QAÝLY ETEMIN:
1. Oblystardyń, Almaty, Nur-Sultan, Shymkent qalalarynyń ákimderi, densaýlyq saqtaý basqarmalarynyń basshylary:
1) Qazaqstan Respýblikasynyń úkimettik delegatsiialaryn, Qazaqstan Respýblikasy Syrtqy ister ministrliginiń shaqyrýy boiynsha Qazaqstan Respýblikasyna keletin shet memleketterdiń jáne halyqaralyq uiymdardyń resmi delegatsiialarynyń múshelerin; Qazaqstan Respýblikasynda akkredittelgen diplomatiialyq ókildikterdiń, konsýldyq mekemelerdiń jáne halyqaralyq uiymdar ókildikteriniń qyzmetkerlerin jáne olardyń otbasy múshelerin; aviakompaniialar ushqyshtaryn jáne lokomotiv brigadalarynyń múshelerin qospaǵanda, Qazaqstan Respýblikasyna shetelden kelgen barlyq adamdardy, sondai-aq EAEO elderinen jáne Ózbekstan Respýblikasynan Qazaqstan Respýblikasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly kelgen adamdardy COVID-19-ǵa zerthanalyq tekserý júrgizý úshin karantindik statsionarda 2 táýlikke deiin oqshaýlaýdy qamtamasyz etsin.
COVID-19 aýrýyn joqqa shyǵarmaityn belgileri bar adamdar karantindik statsionarǵa emes, provizorlyq statsionarǵa emdeýge jatqyzylady.
COVID-19-ǵa zerthanalyq tekserý nátijelerin alǵannan keiin oń nátijeli adamdar emdeý úshin infektsiialyq statsionarǵa aýystyrylady, COVID-19-ǵa teris nátijeli adamdar 12 táýlik boiy úide (úi karantini) oqshaýlanady. Úide oqshaýlaý úshin jaǵdai bolmaǵan kezde osy qaýlyǵa 1 jáne 2-qosymshalarǵa sáikes karantindik statsonarda oqshaýlaý usynylady;
2) Qazaqstan Respýblikasyna shetelden kelgen Qazaqstan Respýblikasynda akkredittelgen diplomatiialyq ókildikterdiń, konsýldyq mekemelerdiń jáne halyqaralyq uiymdar ókildikteriniń qyzmetkerleri jáne olardyń otbasy músheleri COVID-19-ǵa zerthanalyq tekserýge jáne 14 táýlik boiy úide ózin-ózi oqshaýlaýǵa (úi karantini) jatady.
Aviakompaniialardyń ushqyshtary, lokomotiv brigadalarynyń músheleri qońyraý shalý arqyly (múmkindiginshe beineqońyraý shalý) turǵylyqty (kelgen) jeri boiynsha meditsinalyq baqylaýǵa jatady.
EAEO elderinen jáne Ózbekstan Respýblikasynan Qazaqstan Respýblikasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly kelgen adamdar COVID-19-ǵa zerthanalyq tekserýge jáne 12 táýlik boiy úide ózin-ózi oqshaýlaýǵa (úi karantini) jatady;
Temirjol, teńiz kóligindegi tasymaldaý qyzmetimen bailanysty adamdar jáne júkterdi avtomobilmen halyqaralyq tasymaldaýdy júzege asyratyn júrgizýshiler, sondai-aq tranzittik júrgizýshiler shekarany kesip ótken oryndarynda COVID-19-ǵa zerthanalyq tekserýge jatady.
Vahtalyq ádispen jumys isteitin, «Teńizshevroil» JShS obektilerinen demobilizatsiialanǵan adamdar COVID-19-ǵa zerthanalyq tekserý júrgizý úshin kelgen orny boiynsha karantindik statsionarda 2 táýlikke deiin oqshaýlaýǵa jatady, oń nátijeli adamdar emdeý úshin infektsiialyq statsionarǵa aýystyrylady, COVID-19-ǵa teris nátijeli adamdar 12 táýlik boiy úide (úi karantini) oqshaýlanady. Úide oqshaýlaý úshin jaǵdai bolmaǵan kezde karantindik statsionarda oqshaýlaý usynylady.
3) tiisti aýmaqtyń Bas memlekettik sanitariialyq dárigeri óńirdegi jáne álemdegi qalyptasqan epidemiologiialyq jaǵdaidy eskere otyryp, shet elderden kelgen jolaýshylardy karantindeý týraly sheshim qabyldaýǵa quqyly.
2. Taýarlar men kórsetiletin qyzmetterdiń sapasy men qaýipsizdigin baqylaý komitetiniń Kóliktegi taýarlar men kórsetiletin qyzmetterdiń sapasy men qaýipsizdigin baqylaý departamenti, aýmaqtyq departamentteri, Qazaqstan Respýblikasynyń Memlekettik shekarasy arqyly avtomobil ótkizý pýnktterindegi memlekettik kirister organdarynyń qurylymdyq bólimsheleri:
1) Qazaqstan Respýblikasynyń Memlekettik shekarasy arqyly barlyq ótkizý pýnktterinde shetelden kelgen barlyq adamdarǵa (onyń ishinde ushqyshtar, bortserikter, mashinister, jolserikter, júrgizýshiler, tasymaldaýshylar jáne basqalar) mindetti termometriia júrgizý arqyly sanitariialyq-karantindik baqylaý júrgizýdi;
2) halyqaralyq áýejailardaǵy, temirjol kóligindegi jáne avtoótpe joldaryndaǵy Qazaqstan Respýblikasynyń Memlekettik shekarasy arqyly ótkizý pýnktterinde jolaýshylarǵa, ekipaj múshelerine, bortserikterge, mashinisterge jáne jolserikterge saýalnama júrgizýdi;
3) reis kelgennen keiin eki saǵat ishinde Qazaqstan Respýblikasy Densaýlyq saqtaý ministrliginiń Veb-qosymshasyna derekterdi bere otyryp, saýalnamalardy taný júiesiniń derekterin óńdeýdi qamtamasyz etsin.
3. Oblystardyń, Almaty, Nur-Sultan, Shymkent qalalarynyń ákimderi:
1) oiyn-saýyq, sporttyq jáne basqa da buqaralyq is-sharalardy, sondai-aq otbasylyq, eske alý is-sharalaryn ótkizýge tyiym salýdy;
2) saýda-oiyn-saýyq ortalyqtarynyń, kinoteatrlardyń, teatrlardyń, kórmelerdiń jáne adamdar kóp jinalatyn basqa da obektilerdiń qyzmetine tyiym salýdy;
3) dini obektilerdiń qyzmetine tyiym salýdy;
4) epidemiiaǵa qarsy rejim talaptarynyń jumys rejiminiń saqtalýyna monitoringti jáne ákimdikter janyndaǵy mobildi toptardyń obektilerge iriktep tekserý júrgizýin;
5) áskeri bólimge kelgennen keiin áskerge shaqyrylýshylardy PTR ádisimen SOVID-19-ǵa zerthanalyq tekserýdi;
6) osy qaýlyǵa 3-qosymshaǵa sáikes qoǵamdyq oryndarǵa, ónerkásiptik aýmaqtarǵa, áýejailarǵa, aýlalyq balalar alańdaryna jáne basqa da obektilerge sanitariialyq jáne dezinfektsiialyq óńdeý júrgizýdi;
7) halyq arasynda COVID-19-dyń taralýynyń profilaktikasy boiynsha aqparattyq-túsindirý jumystaryn júrgizýdi qamtamasyz etsin.
4. Oblystardyń, Almaty, Nur-Sultan, Shymkent qalalarynyń ákimderi COVID-19 syrqattanýshylyǵynyń ósýi 7 kún ishinde 7%-dan asatyn deńgeige jetken jaǵdaida:
1) eki jáne odan kóp adamnyń birlesip serýendeýi kezinde maskany mindetti túrde kiiý jáne áleýmettik qashyqtyqty saqtai otyryp, halyqtyń turatyn jerinen erkin shyǵýyna ruqsat berýdi;
2) áleýmettik qashyqtyqty saqtai otyryp, 3 adamnan aspaityn toptarmen nemese bir otbasy músheleriniń saiabaqtarǵa, alańdarǵa jáne skverlerge, oiyn-saýyq obektileri joq jaǵalaýlarǵa barýyna ruqsat berýdi;
3) áleýmettik qashyqtyqty saqtai otyryp, aýlaǵa shyǵýǵa ruqsat (3 adamnan aspaityn toptar nemese bir otbasynyń músheleri) berýdi
4) kúsheitilgen sanitariialyq-dezinfektsiialyq rejimdi jáne Kóliktegi bas memlekettik sanitariialyq dáriger belgilegen qosymsha talaptardy mindetti túrde saqtai otyryp, Qazaqstan Respýblikasynyń óńirleri arasynda kirýge/shyǵýǵa (aviareister) ruqsat berýdi;
5) saiajaiǵa (qala syrtyndaǵy úige) barý úshin eldi mekennen shyǵýǵa/odan kirýge ruqsat berýdi qamtamasyz etsin.
5. Oblystardyń, Almaty, Nur-Sultan, Shymkent qalalarynyń ákimderi, óńirlerdegi «Atameken» ulttyq kásipkerler palatasy COVID-19 syrqattanýshylyǵynyń ósýi 7 kún ishinde 7%-dan aspaityn deńgeige jetken jaǵdaida:
1) aimaqqa bólý talaptaryn jáne kúsheitilgen sanitariialyq-dezinfektsiialyq rejimdi saqtai otyryp, meditsinalyq ortalyqtardyń qyzmetin (jazylý boiynsha);
2) osy qaýlyǵa 4-qosymshaǵa sáikes kúsheitilgen sanitariialyq-dezinfektsiialyq rejimdi saqtai otyryp jáne jumys rejimin 10:00-den 17:00-ge deiin ýaqytsha shektei otyryp, azyq-túlik bazarlarynyń qyzmetin;
3) kúsheitilgen sanitariialyq-dezinfektsiialyq rejimdi saqtai otyryp, jumys rejimin 10:00-den 17:00-ge deiin ýaqytsha shektei otyryp, aýdany 2 myń sharshy metrge deiingi azyq-túlik emes dúkenderdiń jumysyn;
4) kúsheitilgen sanitariialyq-dezinfektsiialyq rejimdi saqtai otyryp, azyq-túlik emes bazarlardyń (ǵimarattardan tys) jumysyn;
5) kúsheitilgen sanitariialyq-dezinfektsiialyq rejimdi saqtai otyryp, qurylys dúkenderiniń, saiajai inventaryn satatyn, optikanyń (dúkender), gúl dúkenderiniń, zoodúkenderdiń, jinalýdy jáne uzaq jáne tyǵyz bailanysty boldyrmaityn ózge de obektilerdiń jumysyn;
6) osy qaýlyǵa 5-qosymshaǵa sáikes kúsheitilgen sanitariialyq-dezinfektsiialyq rejimdi saqtai otyryp, tehnikalyq qyzmet kórsetý stantsiialarynyń, avtojýý, shinomontaj, avtosalondardyń jumysyn;
7) meditsinalyq maska kigen kelýshilerdi kirgizýdi qamtamasyz ete otyryp jáne kúsheitilgen sanitariialyq-dezinfektsiialyq rejimdi saqtai otyryp, sulýlyq salondarynyń jumysyn (aldyn ala jazylý boiynsha);
8) kúsheitilgen sanitariialyq-dezinfektsiialyq rejimdi saqtai otyryp biznes ortalyqtarynyń (saqtandyrý kompaniialary, advokat, notariýs, býhgalter jáne konsalting kórsetiletin qyzmetteri, jyljymaityn múlik jónindegi agenttiktter jáne t. b.) jumysyn;
9) osy qaýlyǵa 6-qosymshaǵa sáikes kúsheitilgen sanitariialyq-dezinfektsiialyq rejimdi saqtai otyryp, sport obektileriniń qyzmetin (30 adamǵa deiingi toptar úshin oqý-jattyǵý protsesin júrgizý);
10) osy qaýlyǵa 7-qosymshaǵa sáikes kúsheitilgen sanitariialyq-dezinfektsiialyq rejimdi saqtai otyryp, mádeniet obektileriniń jumysyn (30 adamǵa deiin jeke jáne toptyq daiyndyq);
11) halyqqa qyzmet kórsetý jónindegi obektilerdiń: osy qaýlyǵa 8-qosymshaǵa sáikes kúsheitilgen sanitariialyq-dezinfektsiialyq rejimdi saqtai otyryp, jinalýdy jáne uzaq jáne tyǵyz bailanysty boldyrmaityn tipografiialyq qyzmetter kórsetetin obektiler, tigin ateleleri, aiaq kiim sheberhanalary, aiaq kiim, kiim jóndeý jónindegi servis, himiialyq tazartý, kir jýý oryndary jáne ózge de obektilerdiń jumysyn;
12) osy qaýlyǵa 9-qosymshaǵa sáikes halyqtyń turýy boiynsha qyzmet kórsetý salasyndaǵy týrizm obektileri men uiymdarynyń (qonaqúiler, otleder, demalys úileri, týristik bazalar jáne t.b.) jumys algoritmin saqtaýdy;
13) osy qaýlyǵa 10-qosymshaǵa sáikes áýejailar, temirjol jáne avtomobil vokzaldarynyń jumys algoritmin saqtaýdy;
14) osy qaýlyǵa 11-qosymshaǵa sáikes kóktemgi egis jumystaryna tartylǵan uiymdar men qyzmetkerlerdiń jumys algoritmin saqtaýdy qamtamasyz etsin.
6. Oblystardyń, Almaty, Nur-Sultan, Shymkent qalalarynyń ákimderi, ortalyq memlekettik organdar, quqyq qorǵaý jáne arnaiy organdar:
1) osy qaýlyǵa 12-qosymshaǵa sáikes áleýmettik qashyqtyqty jáne kúsheitilgen sanitariialyq-dezinfektsiialyq rejimdi saqtai otyryp, memlekettik organdardyń (uiymdardyń), ofisterdiń qyzmetin qamtamasyz etsin. Bul rette qyzmetkerlerdiń 50% úshin qashyqtyqtan (shtattyq kestede 30-dan astam qyzmetker bolǵanda) jumys nysany saqtalady;
2) osy qaýlyǵa 13-qosymshaǵa sáikes óńirler arasyndaǵy blok beketterde mynalardy qamtamasyz ete otyryp, sanitariialyq-karantindik baqylaýdy uiymdastyrýdy:
Jumys ornynan anyqtama bolǵan jáne jumys isteitin jeri boiynsha eldi mekende turýy tirkelgen jaǵdaida TJ rejimi joiylǵannan keiin óz jumysyn qaita bastaǵan uiymdarda jumys isteý úshin azamattardyń kirýine jáne shyǵýyna ruqsat beriledi.
Meditsinalyq kórsetilimder boiynsha eki adamnan artyq emes adamnyń erip júrýimen karantin jariialanǵan óńirler/qalalar aýmaǵyna azamattardyń kirýine jáne olardan shyǵýyna mynadai qujattar bolǵan jaǵdaida ruqsat beriledi:
- diagnozdy jáne emdeýdiń shuǵyldyǵyn rastaý úshin aýmaqtyq ambýlatoriialyq-emhanalyq uiymnyń dárigerlik-konsýltatsiialyq komissiiasynyń «Densaýlyq saqtaý uiymdarynyń bastapqy meditsinalyq qujattama nysandaryn bekitý týraly» Qazaqstan Respýblikasy Densaýlyq saqtaý ministriniń mindetin atqarýshynyń 2010 jylǵy 23 qarashadaǵy № 907 buiryǵymen bekitilgen 035-1/e nysanǵa sáikes qorytyndysy;
- birinshi basshy qol qoiǵan jáne gerbti mórmen rastalǵan diagnozy kórsetilgen jáne shuǵyldyǵyn rastaityn karantindik aimaqta ornalasqan meditsinalyq uiymnan shaqyrý hat;
b) osy qaýlynyń 6-tarmaǵy 2) tarmaqshasynyń a) abzatsynda kórsetilgenderdi qospaǵanda, adamdardyń jekelegen sanattarynyń shyǵýyna jáne kirýine ruqsatty jergilikti atqarýshy organdar beredi. Bul rette kórsetilgen adamdar kelgen jeri boiynsha 14 kúnge úi karantinine jatady.
3) jedel shtabtardyń jáne tiisti aýmaqtaǵy Bas memlekettik sanitariialyq dárigerdiń sheshimi boiynsha óńirler ishindegi blok beketterde sanitariialyq-karantindik baqylaýdy uiymdastyrýdy;
4) meditsinalyq uiymdarda, qarttar men múmkindigi shekteýli adamdarǵa arnalǵan meditsinalyq-áleýmettik obektilerde, sábiler úilerinde, balalar úilerinde, áleýmettik ońaltý ortalyqtarynda, múgedek balalarǵa arnalǵan, internat úlgisindegi oqý oryndarynda karantindi jáne sanitariialyq-dezinfektsiialyq rejimdi saqtaýdy;
5) qyzmetin júzege asyratyn barlyq obektilerde kúsheitilgen sanitariialyq-dezinfektsiialyq rejimdi (qoldy óńdeýge arnalǵan sanitaizerlerdi ornatý, betterdi kúnine keminde eki ret óńdeý, dezinfektsiialaý quraldaryn qoldana otyryp ylǵaldy jinaý, jeldetý);
6) árbir reis aldynda qoǵamdyq kólikti, áýejailardy, temirjol jáne avtovokzaldardy, sýpermarketterdi, bazarlardy, qoǵamdyq kólik aialdamalaryn (kúnine keminde eki ret), jer ústi jáne jer asty jaiaý júrginshiler ótpeleriniń taianyshtaryn, sporttyq snariadtardy, balalar jáne sport alańdaryn, oryndyqtar men otyrǵyshtardy, bankomattardy, bank terminaldaryn, POS-terminaldardy jýý jáne dezinfektsiialaý quraldaryn qoldana otyryp óńdeýdi qamtamasyz etsin.
7. Oblystardyń, Almaty, Nur-Sultan, Shymkent qalalarynyń ákimderi, Qazaqstan Respýblikasy Bilim jáne ǵylym ministrligi óńirlerde COVID-19 syrqattanýshylyǵynyń ósýi 7 kún ishinde 7%-dan aspaityn deńgeige jetken jaǵdaida:
1) osy qaýlyǵa 14-qosymshaǵa sáikes kúsheitilgen sanitariialyq-dezinfektsiialyq rejimdi saqtai otyryp, mektepke deiingi uiymdarda (jasyna qarai) kezekshi toptardyń jumysyn;
2) qyzmetkerler men balalardyń densaýlyq jaǵdaiyna baqylaý júrgizý (termometriia), JRVI belgileri bar qyzmetkerler men balalardy shettetý arqyly, sondai-aq kúsheitilgen sanitariialyq-dezinfektsiialyq rejimdi saqtai otyryp, bilim berý ortalyqtarynyń, úiirmelerdiń (jazylý boiynsha) jumysyn;
3) qyzmetkerler men balalardyń densaýlyq jaǵdaiyna baqylaý júrgizý (termometriia), JRVI belgileri bar qyzmetkerler men balalardy shettetý arqyly, sondai-aq kúsheitilgen sanitariialyq-dezinfektsiialyq rejimdi saqtai otyryp, balalardyń túzetý kabinetteriniń (aldyn ala jazylý boiynsha) jumysyn qamtamasyz etsin.
8. Oblystardyń, Almaty, Nur-Sultan, Shymkent qalalarynyń ákimderi, Qazaqstan Respýblikasy Indýstriia jáne infraqurylymdyq damý ministrligi óńirlerde COVID-19 syrqattanýshylyǵynyń ósýi 7 kún ishinde 7%-dan aspaityn deńgeige jetken jaǵdaida:
1) kúsheitilgen sanitariialyq-dezinfektsiialyq rejimdi jáne Kóliktegi bas memlekettik sanitariialyq dáriger belgilegen qosymsha talaptardy mindetti túrde saqtai otyryp, Qazaqstan Respýblikasynyń óńirleri (aviareister) arasynda kirýge/shyǵýǵa ruqsat berýdi;
2) osy qaýlyǵa 15-qosymshaǵa sáikes kúsheitilgen sanitariialyq-dezinfektsiialyq rejimdi jáne qosymsha talaptardy saqtai otyryp, shekteýlermen qoǵamdyq kóliktiń jumysyn qaita bastaýdy qamtamasyz etsin.
9. Oblystardyń, Almaty, Nur-Sultan, Shymkent qalalarynyń ákimderi, Qazaqstan Respýblikasy Ádilet ministrligi óńirlerde COVID-19 syrqattanýshylyǵynyń ósýi 7 kún ishinde 7%-dan aspaityn deńgeige jetken jaǵdaida kúsheitilgen sanitariialyq-dezinfektsiialyq rejimdi saqtai otyryp, halyqqa qyzmet kórsetý ortalyqtarynyń jumysyn qamtamasyz etsin.
10. Oblystardyń, Almaty, Nur-sultan, Shymkent qalalarynyń ákimderi, Qazaqstan Respýblikasy Ulttyq Banki óńirlerde COVID-19 syrqattanýshylyǵynyń ósýi 7 kún ishinde 7%-dan aspaityn deńgeige jetken jaǵdaida áleýmettik qashyqtyqty jáne kúsheitilgen sanitariialyq-dezinfektsiialyq rejimdi saqtai otyryp, ekinshi deńgeidegi bankterdiń jumysyn qamtamasyz etsin.
11. Qorǵanys ministrligi, Ishki ister ministrligi, Memlekettik kúzet qyzmeti, Ulttyq qaýipsizdik komitetiniń Shekara qyzmeti:
1) áskeri bólimderge kelgennen keiin qosymsha áskerdi 14 táýlikke oqshaýlaýdy, olardyń áskerge shaqyrylǵan óńirleri boiynsha bólekteýdi;
2) qosymsha áskerdi ornalastyrý úshin oryndar daiyndaýdy;
3) qosymsha áskerdiń keste boiynsha bos ýaqytty ótkizý úi-jailarynda (monsha-kir jýý qyzmetin kórsetetin jáne basqa da ortaq paidalanylatyn oryndarda) bolýyn uiymdastyrýdy jáne basqa jeke qurammen bailanysty boldyrmai, tamaqtanýdy uiymdastyrýdy qamtamasyz etsin.
12. Qazaqstan Respýblikasy Aqparat jáne qoǵamdyq damý ministrligi oblystardyń, Almaty, Nur-Sultan, Shymkent qalalarynyń ákimdikterimen birlesip halyq arasynda COVID-19 taralýynyń profilaktikasy boiynsha aqparattyq-túsindirý jumystaryn jandandyrsyn.
13. Oblystardyń, Almaty, Nur-Sultan, Shymkent qalalarynyń densaýlyq saqtaý basqarmalarynyń basshylary:
1) klinikalyq hattamaǵa sáikes tekserý úshin 3 kúnge deiingi merzimge COVID-19-ben aýyratyn naýqastardy infektsiialyq statsionarǵa jatqyzýdy qamtamasyz etsin. Simptomsyz virýs tasymaldaýshylyq kezinde (PTR RNK SARSCoV-2 oń nátijesi, shaǵym joq, ókpeni aspaptyq vizýalizatsiialaý kezinde klinikalyq simptomdar jáne patologiialyq ózgerister joq) patsient Taýarlar men kórsetiletin qyzmetterdiń sapasy men qaýipsizdigin baqylaý komitetiniń aýmaqtyq departamenti epidemiologynyń kelisimi boiynsha emdeýshi dárigerdiń sheshimimen shyǵarylýǵa jatady;
2) klinikalyq hattamaǵa sáikes oqshaýlaý jaǵdailary bolǵan kezde COVID-19 simptomsyz virýs tasymaldaýshy adamdardyń úidegi karantinin jáne meditsinalyq baqylaýdy;
3) úide oqshaýlaý jaǵdaiy bolmaǵan kezde COVID-19 simptomsyz virýs tasymaldaýshy adamdardy karantindik statsionarǵa jatqyzýdy;
4) úi karantinin uiymdastyrý úshin turǵyn úidiń talaptarǵa sáikestigin baǵalaýdy;
5) úide meditsinalyq baqylaýdyń júrgizilýin jáne úi karantini talaptarynyń saqtalýyn baqylaýdy;
6) COVID-19-ǵa zerthanalyq tekserý júrgizý úshin shetelden kelgen adamdardy karantindik statsionarǵa jatqyzýdy;
7) SOVID-19 simptomsyz virýs tasymaldaýshy adamdardy jáne shetelden/óńirlerden kelgen adamdardy ártúrli karantindik statsionarlarǵa ornalastyrýdy;
8) meditsina personalynyń ornyn aýystyrýyn boldyrmai olardy karantindik statsionarlarǵa bekitýdi (COVID-19 simptomsyz virýs tasymaldaýshy adamdarǵa arnalǵan karantindik statsionarlardyń meditsina personalyn jáne shetelden/óńirlerden kelgen adamdarǵa arnalǵan karantindik statsionarlardyń meditsina personalyn aralastyrýǵa jol berilmeidi);
9) karantindik statsionarlardyń meditsina personalynyń qorǵaý deńgeii 2 JQQ-ny paidalanýyn;
10) osy qaýlyǵa 16-qosymshaǵa sáikes COVID-19-ǵa zerthanalyq zertteýdi;
11) COVID-19 naýqastarymen bailanysta bolǵan adamdardy COVID-19-ǵa zerthanalyq tekserýdi (yqtimal bailanys) jáne olarǵa COVID-19-dyń yqtimal simptomdary týraly túsindirýdi;
12) úide oqshaýlaý jaǵdaiynda 14 kún boiy COVID-19 naýqastarymen bailanysta bolǵan adamdardy (jaqyn bailanys) zerthanalyq tekserýdi jáne meditsinalyq baqylaýdy (úi karantini);
13) osy qaýlyǵa 17-qosymshaǵa sáikes Halyqqa profilaktikalyq egýdi júrgizýdi qamtamasyz etsin.
14. Taýarlar men kórsetiletin qyzmetterdiń sapasy men qaýipsizdigin baqylaý komitetiniń kóliktegi, aýmaqtyq departamentteriniń basshylary:
1) COVID-19 naýqasynan COVID-19 jaǵdaiynyń tirkelgeni týraly habarlama alǵan sátten bastap 3 saǵat ishinde saýalnama alýdy;
2) COVID-19 jaǵdaiynyń tirkelgeni týraly habarlama alǵan sátten bastap 24 saǵat ishinde epidemiologiialyq tergep-tekserý kartasyn resimdei otyryp, COVID-19-dyń árbir jaǵdaiyn epidemiologiialyq tergep-tekserýdi qamtamasyz etsin.
15. Oblystardyń, Nur-Sultan, Almaty jáne Shymkent qalalarynyń halyqaralyq áýejailarynyń basshylary:
1) shetelden kelgennen keiin áýe kemelerin, onyń ishinde qyzmet kórsetetin jer ústi jabdyǵy men kóligin qorytyndy dezinfektsiialaýdy;
2) árbir turaqty jáne charterlik reisterden keiin áýe kemelerin aǵymdaǵy profilaktikalyq dezinfektsiialaýdy;
3) turaqty jáne charterlik reisterdiń jolaýshylaryn túsirýge jáne otyrǵyzýǵa tartylǵan áýejai terminaldarynyń barlyq úi-jailaryn aǵymdaǵy profilaktikalyq dezinfektsiialaýdy qamtamasyz etsin.
16. «Qazpochta» aktsionerlik qoǵamy áleýmettik qashyqtyqty jáne kúsheitilgen sanitariialyq-dezinfektsiialyq rejimdi saqtai otyryp, bólimshelerdiń jumysyn, qyzmetkerlerdiń halyqqa bir ret qoldanylatyn qolǵaptar men meditsinalyq maskada qyzmet kórsetýin, pochta hat-habarlarymen (hattar, sálemdemeler jáne t.b.) janasýmen bailanysty jumysty jeke qorǵanysh quraldarymen (halat, meditsinalyq maska, qolǵaptar) júrgizýin qamtamasyz etsin.
17. Osy qaýlynyń oryndalýyn baqylaýdy ózime qaldyramyn.
18. Osy qaýly 2020 jylǵy 11 mamyrda 00 saǵat 00 minýttan bastap kúshine enedi.
