Bas sanitarlyq dáriger koronavirýs infektsiiasynyń aldyn alý sharalaryn kúsheitý týraly qaýly qabyldady, dep habarlaidy "Ult aqparat" QR DSM taýarlar men kórsetiletin qyzmetterdiń sapasy men qaýipsizdigin baqylaý komitetine silteme jasap.
«QR Bas memlekettik sanitarlyq dárigeri 25 aqpanda «Qazaqstan Respýblikasynda koronavirýstyq infektsiianyń aldyn alý sharalaryn odan ári kúsheitý týraly» qaýly qabyldady, 1 naýryzdan bastap kúshine enedi.
Osy qaýlyǵa sáikes COVID – 19 jaǵdailary tirkelgen elder 3 sanatqa bólinedi. Jiktemege bailanysty osy elderden QR-ǵa kelgen adamdarǵa qatysty epidemiiaǵa qarsy is-sharalar júrgiziletin bolady», delingen habarlamada.
1 a) sanat: bul - koronavirýstyq infektsiiamen (QHR, Iran) aýrý boiynsha qolaisyz elderden kelgen adamdar.
Olardyń barlyǵy 14 kúnge oqshaýlaýmen karantinge ornalastyrylady. Sodan soń, shyqqannan keiin taǵy 10 kún meditsinalyq baqylaýda bolady. Uiymdarda meditsinalyq-sanitariialyq alǵashqy kómek (budan ári - MSAK) turǵylyqty meken-jaiy boiynsha kórsetiledi. Kúndelikti telefon shalý arqyly adam jaǵdaiy anyqtalatyn bolady.
1 b) sanat: bul - QHR Gonkong SAR, QHR Makao SAR, Taivan (QHR), Ońtústik Koreia, Japoniia, Italiiadan kelgender.
Olardyń barlyǵy adamdar kóp jinalatyn jerlerge barmas úshin úiinde oqshaýlanady. Olarǵa 14 kún ishinde turatyn (bolatyn) jeri boiynsha BMSK qyzmetkerleriniń kúndelikti baqylaýy belgilenetin bolady. Odan keiin taǵy 10 kún ishinde turatyn jeri boiynsha BMSK uiymdarynda meditsinalyq baqylaý júrgiziledi (kún saiynǵy qońyraý shalý).
2 sanat: Singapýrdan, Tailandtan, Ázerbaijannan kelgen adamdar.
Olardy BMSK meditsina qyzmetkerleri turatyn (bolatyn) jeri boiynsha 14 kún ishinde qadaǵalaityn bolady. Odan ári meditsinalyq baqylaý kún saiyn qońyraý shalý arqyly 10 kún ishinde júzege asyrylady.
3 sanat: Germaniia, AQSh, BAÁ, Ulybritaniia, Frantsiia, Bahrein, Kýveit, Ispaniia, Malaiziiadan kelgen tulǵalar.
Barlyǵy QR shekarasynan ótken kúnnen bastap 24 kún ishinde qońyraý shalý arqyly turǵylyqty jeri boiynsha BMSK meditsinalyq qadaǵalaýynda bolady.
