باس سانيتارلىق دەرٸگەر كوروناۆيرۋس ينفەكتسيياسىنىڭ الدىن الۋ شارالارىن كٷشەيتۋ تۋرالى قاۋلى قابىلدادى, دەپ حابارلايدى "ۇلت اقپارات" قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنە سٸلتەمە جاساپ.
«قر باس مەملەكەتتٸك سانيتارلىق دەرٸگەرٸ 25 اقپاندا «قازاقستان رەسپۋبليكاسىندا كوروناۆيرۋستىق ينفەكتسييانىڭ الدىن الۋ شارالارىن ودان ەرٸ كٷشەيتۋ تۋرالى» قاۋلى قابىلدادى, 1 ناۋرىزدان باستاپ كٷشٸنە ەنەدٸ.
وسى قاۋلىعا سەيكەس COVID – 19 جاعدايلارى تٸركەلگەن ەلدەر 3 ساناتقا بٶلٸنەدٸ. جٸكتەمەگە بايلانىستى وسى ەلدەردەن قر-عا كەلگەن ادامدارعا قاتىستى ەپيدەميياعا قارسى ٸس-شارالار جٷرگٸزٸلەتٸن بولادى», دەلٸنگەن حابارلامادا.
1 ا) سانات: بۇل - كوروناۆيرۋستىق ينفەكتسييامەن (قحر, يران) اۋرۋ بويىنشا قولايسىز ەلدەردەن كەلگەن ادامدار.
ولاردىڭ بارلىعى 14 كٷنگە وقشاۋلاۋمەن كارانتينگە ورنالاستىرىلادى. سودان سوڭ, شىققاننان كەيٸن تاعى 10 كٷن مەديتسينالىق باقىلاۋدا بولادى. ۇيىمداردا مەديتسينالىق-سانيتارييالىق العاشقى كٶمەك (بۇدان ەرٸ - مساك) تۇرعىلىقتى مەكەن-جايى بويىنشا كٶرسەتٸلەدٸ. كٷندەلٸكتٸ تەلەفون شالۋ ارقىلى ادام جاعدايى انىقتالاتىن بولادى.
1 ب) سانات: بۇل - قحر گونكونگ سار, قحر ماكاو سار, تايۆان (قحر), وڭتٷستٸك كورەيا, جاپونييا, يتالييادان كەلگەندەر.
ولاردىڭ بارلىعى ادامدار كٶپ جينالاتىن جەرلەرگە بارماس ٷشٸن ٷيٸندە وقشاۋلانادى. ولارعا 14 كٷن ٸشٸندە تۇراتىن (بولاتىن) جەرٸ بويىنشا بمسك قىزمەتكەرلەرٸنٸڭ كٷندەلٸكتٸ باقىلاۋى بەلگٸلەنەتٸن بولادى. ودان كەيٸن تاعى 10 كٷن ٸشٸندە تۇراتىن جەرٸ بويىنشا بمسك ۇيىمدارىندا مەديتسينالىق باقىلاۋ جٷرگٸزٸلەدٸ (كٷن سايىنعى قوڭىراۋ شالۋ).
2 سانات: سينگاپۋردان, تايلاندتان, ەزەربايجاننان كەلگەن ادامدار.
ولاردى بمسك مەديتسينا قىزمەتكەرلەرٸ تۇراتىن (بولاتىن) جەرٸ بويىنشا 14 كٷن ٸشٸندە قاداعالايتىن بولادى. ودان ەرٸ مەديتسينالىق باقىلاۋ كٷن سايىن قوڭىراۋ شالۋ ارقىلى 10 كٷن ٸشٸندە جٷزەگە اسىرىلادى.
3 سانات: گەرمانييا, اقش, باە, ۇلىبريتانييا, فرانتسييا, باحرەين, كۋۆەيت, يسپانييا, مالايزييادان كەلگەن تۇلعالار.
بارلىعى قر شەكاراسىنان ٶتكەن كٷننەن باستاپ 24 كٷن ٸشٸندە قوڭىراۋ شالۋ ارقىلى تۇرعىلىقتى جەرٸ بويىنشا بمسك مەديتسينالىق قاداعالاۋىندا بولادى.
