QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraiymy Aijan Esmaǵambetova Qazaqstan azamattaryna shetelge barmaýǵa keńes berdi, dep habarlaidy "Ult aqparat".
«6 qazannan beri memlekettik shekarany avtoótkelder arqyly 149 myńǵa jýyq Qazaqstan azamaty men sheteldikter kesip ótti. Onyń ishinde 278-inde indet anyqtaldy. Elge indet juqtyryp kelý jaǵdailarynyń kóbisi Soltústik Qazaqstan, Batys Qazaqstan, Pavlodar jáne Qostanai oblystarynda tirkelgen. Sońǵy aptada avtoótkelderden ótý kezinde 122 jaǵdai anyqtaldy, bul jalpy kórsetkishtiń 45 paiyzyn qurap otyr», - dedi komitet basshysy Ortalyq kommýnikatsiialar qyzmetinde.
Onyń sózine qaraǵanda, 6 qazannan beri halyqaralyq reistermen 61 myńǵa jýyq jolaýshy keldi. Onyń ishinde 8 352 adam testileýden ótip, sonyń arasynda COVID-19 boiynsha oń nátije bergen 41 jaǵdai tirkeldi.
«Atap aitqanda, 17-si Mysyrdan, Túrkiia-13, Belarýs – 16, Resei – 1, BAÁ-den 4 jaǵdai tirkeldi. Sondyqtan shetelge saparlaýdy josparlasańyzdar, ol elde koronavirýs infektsiiasyn juqtyrý qaýpi bar ekenin eskerińizder. Qazirgi kezde múmkindiginshe shetelge shyqpaýǵa tyrysý kerek», - dedi A. Esmaǵambetova.
