Qańtar oqiǵasy kezinde tártipsizdikke qatysqandar Almatyda jáne basqa da iri qalalarda qylmysty jasyrý úshin 800-den astam videokamerany qiratty.
Bul týraly Parlament Májilisiniń jalpy otyrysynda QR Bas prokýrory Berik Asylov málim etti, dep habarlaidy QazAqparat.
«Almatyda jáne basqa da iri qalalarda qylmysty jasyrý úshin 800-den astam videokamerany qiratqan. Basyp alynǵan qarýdy, azyq-túlikti jáne aýyz sýdy, jetkizý uiymdastyrylǵan. Taksi, júk kólikteri men avtobýstardyń júrgizýshilerin kósheni jaýyp tastaýǵa májbúrledi. Iaǵni beibit azamattardy «tiri qalqan» retinde paidalanǵan. Arnaiy avtokólikter men basqa da júk mashinalaryn taran retinde paidalandy», - dedi Berik Asylov.
Budan buryn habarlanǵandai, Bas prokýror 11 aimaqta agressivti toptar zorlyq-zombylyq satysyna ótkenin aitty.
«3-shi, 4-shi jáne 5-shi qańtarda Memleket basshysy demonstranttarǵa úndeý joldap, zańdy saqtaýǵa jáne destrýktivti kúshterdiń arandatýyna boi bermeýge shaqyrdy. Alaida, birneshe márte sabyr saqtaýǵa shaqyrýǵa qaramastan, qylmystyq jáne radikaldy elementter belsendi de qatań áreketterge kóshti. 4-shi jáne 5-shi qańtarda azamattar jiyny agressivti topqa ainalyp, 11 aimaqta zorlyq-zombylyq satysyna ótti», - dedi Asylov.
