قاڭتار وقيعاسى كەزٸندە تەرتٸپسٸزدٸككە قاتىسقاندار الماتىدا جەنە باسقا دا ٸرٸ قالالاردا قىلمىستى جاسىرۋ ٷشٸن 800-دەن استام ۆيدەوكامەرانى قيراتتى.
بۇل تۋرالى پارلامەنت مەجٸلٸسٸنٸڭ جالپى وتىرىسىندا قر باس پروكۋرورى بەرٸك اسىلوۆ مەلٸم ەتتٸ, دەپ حابارلايدى قازاقپارات.
«الماتىدا جەنە باسقا دا ٸرٸ قالالاردا قىلمىستى جاسىرۋ ٷشٸن 800-دەن استام ۆيدەوكامەرانى قيراتقان. باسىپ الىنعان قارۋدى, ازىق-تٷلٸكتٸ جەنە اۋىز سۋدى, جەتكٸزۋ ۇيىمداستىرىلعان. تاكسي, جٷك كٶلٸكتەرٸ مەن اۆتوبۋستاردىڭ جٷرگٸزۋشٸلەرٸن كٶشەنٸ جاۋىپ تاستاۋعا مەجبٷرلەدٸ. ياعني بەيبٸت ازاماتتاردى «تٸرٸ قالقان» رەتٸندە پايدالانعان. ارنايى اۆتوكٶلٸكتەر مەن باسقا دا جٷك ماشينالارىن تاران رەتٸندە پايدالاندى», - دەدٸ بەرٸك اسىلوۆ.
بۇدان بۇرىن حابارلانعانداي, باس پروكۋرور 11 ايماقتا اگرەسسيۆتٸ توپتار زورلىق-زومبىلىق ساتىسىنا ٶتكەنٸن ايتتى.
«3-شٸ, 4-شٸ جەنە 5-شٸ قاڭتاردا مەملەكەت باسشىسى دەمونسترانتتارعا ٷندەۋ جولداپ, زاڭدى ساقتاۋعا جەنە دەسترۋكتيۆتٸ كٷشتەردٸڭ ارانداتۋىنا بوي بەرمەۋگە شاقىردى. الايدا, بٸرنەشە مەرتە سابىر ساقتاۋعا شاقىرۋعا قاراماستان, قىلمىستىق جەنە راديكالدى ەلەمەنتتەر بەلسەندٸ دە قاتاڭ ەرەكەتتەرگە كٶشتٸ. 4-شٸ جەنە 5-شٸ قاڭتاردا ازاماتتار جيىنى اگرەسسيۆتٸ توپقا اينالىپ, 11 ايماقتا زورلىق-زومبىلىق ساتىسىنا ٶتتٸ», - دەدٸ اسىلوۆ.
