Prokýrorlar qazaqstandyq 49 iri kásiporyndy tekserip, jumysshylar quqyǵyn buzý derekterin anyqtady. Bul týraly Bas prokýratýranyń Qoǵamdyq múddelerdi qorǵaý qyzmetiniń basshysy Saparbek Nurpeiisov málimdedi, - dep habarlaidy Tengrinews.kz.
"Qaýipsiz eńbek jaǵdaiy konstitýtsiialyq quqyq ekeni sózsiz. Prokýratýra organdarynda osy quqyqty saqtaý basymdyqqa ie. Osy maqsatta prokýrorlar 49 iri kásiporyndy tekserdi", - delingen Saparbek Nurpeiisovtiń Bas prokýratýra saitynda jariialanǵan maqalasynda.
Onyń aitýynsha, prokýrorlar jumysshylarǵa ziian eńbek jaǵdailary úshin ótemaqy tólenbeitinin anyqtaǵan. Qorǵanys quraldary jáne azyq-túlikpen qamtamasyz etýdiń joqtyǵyna bailanysty 2 myńnan astam derek anyqtalǵan. Sonymen qatar, jumys berýshiler barlyq jerde qyzmetkerlerdi oqytý, mindetti nusqaý berý, saqtandyrý jáne meditsinalyq tekserýden ótkizý sharalaryn qoldanbaidy (5 myńnan astam qyzmetker).
Órt, óndiris jáne sanitarlyq-epidemiologiialyq qaýipsizdik salasynda 6,5 myńnan astam zańbuzýshylyq anyqtalǵan. Bul - órt dabyldaryndaǵy jáne jeldetý júiesindegi aqaý, elektr qalqandarynyń qorshalmaýy, gidranttar men órtsóndirgishterdiń bolmaýy jáne t.b.
"Mysaly, "Qazaqmys korporatsiiasy" JShS shahtalarynda shatyrlardy basqarý bekitpeleri qoiylmaǵan kezde jumys júrgizilgen (torkretbeton jáne bolat polimer bekitpeler joq). Kenshiler kez kelgen ýaqytta taý-ken massasy astynda qalýy múmkin (jazataiym oqiǵalardyń 60 paiyzy dál osy zańbuzýshylyqtaǵa bailanysty)", - dep qosty Nurpeiisov.
Ol tekseris barysynda qaýipsizdik talaptaryna sai kelmeitin 1,5 myńnan astam tehnologiialyq jabdyq jumysy anyqtalǵanyn, al 50-i tolyǵymen toqtatylatynyn atap ótti. Olarda 2,5 myńnan astam jumysshy jumys isteidi.
"Azamattardyń eńbek quqyǵyn buzýshylar qatarynda "Qaztsink", "Qazhrom", "Qazfosfat", "Araltuz", "Qazaqmys" jáne "Ózenmunaigaz" kompaniialary bar.
Sondai-aq, eńbekti qorǵaý salasyndaǵy jaǵdaidy jekelegen jumys berýshilerdiń óndiriste jaraqattaný jáne jumysshylardyń ólimin jasyratyn zańsyz áreketteri de qiyndatyp otyr. Tekseris barysynda osyndai 40-tan astam fakt anyqtaldy", - delingen maqalada.
Jalpy, tekseris qorytyndysy boiynsha 69 qadaǵalaý aktisi engizilip, 226 tulǵa ákimshilik jaýapkershilikke tartylǵan. Prokýrorlardyń aktisi boiynsha 30 myń jumysshynyń jalaqysy ósken, 600-den astam jumysshyǵa ótemaqy tólenip, qorǵanys quraldarymen jáne arnaiy tamaqpen kezeń-kezeńimen qamtamasyz etý bastalǵan. Sondai-aq, 22 tehnikanyń jumysy toqtatyldy, dep túiindedi sózin Saparbek Nurpeiisov.
Ol bul másele Bas prokýrordyń erekshe baqylaýynda ekenin málimdedi.
