پروكۋرورلار قازاقستاندىق 49 ٸرٸ كەسٸپورىندى تەكسەرٸپ, جۇمىسشىلار قۇقىعىن بۇزۋ دەرەكتەرٸن انىقتادى. بۇل تۋرالى باس پروكۋراتۋرانىڭ قوعامدىق مٷددەلەردٸ قورعاۋ قىزمەتٸنٸڭ باسشىسى ساپاربەك نۇرپەيٸسوۆ مەلٸمدەدٸ, - دەپ حابارلايدى Tengrinews.kz.
"قاۋٸپسٸز ەڭبەك جاعدايى كونستيتۋتسييالىق قۇقىق ەكەنٸ سٶزسٸز. پروكۋراتۋرا ورگاندارىندا وسى قۇقىقتى ساقتاۋ باسىمدىققا يە. وسى ماقساتتا پروكۋرورلار 49 ٸرٸ كەسٸپورىندى تەكسەردٸ", - دەلٸنگەن ساپاربەك نۇرپەيٸسوۆتٸڭ باس پروكۋراتۋرا سايتىندا جارييالانعان ماقالاسىندا.
ونىڭ ايتۋىنشا, پروكۋرورلار جۇمىسشىلارعا زييان ەڭبەك جاعدايلارى ٷشٸن ٶتەماقى تٶلەنبەيتٸنٸن انىقتاعان. قورعانىس قۇرالدارى جەنە ازىق-تٷلٸكپەن قامتاماسىز ەتۋدٸڭ جوقتىعىنا بايلانىستى 2 مىڭنان استام دەرەك انىقتالعان. سونىمەن قاتار, جۇمىس بەرۋشٸلەر بارلىق جەردە قىزمەتكەرلەردٸ وقىتۋ, مٸندەتتٸ نۇسقاۋ بەرۋ, ساقتاندىرۋ جەنە مەديتسينالىق تەكسەرۋدەن ٶتكٸزۋ شارالارىن قولدانبايدى (5 مىڭنان استام قىزمەتكەر).
ٶرت, ٶندٸرٸس جەنە سانيتارلىق-ەپيدەميولوگييالىق قاۋٸپسٸزدٸك سالاسىندا 6,5 مىڭنان استام زاڭبۇزۋشىلىق انىقتالعان. بۇل - ٶرت دابىلدارىنداعى جەنە جەلدەتۋ جٷيەسٸندەگٸ اقاۋ, ەلەكتر قالقاندارىنىڭ قورشالماۋى, گيدرانتتار مەن ٶرتسٶندٸرگٸشتەردٸڭ بولماۋى جەنە ت.ب.
"مىسالى, "قازاقمىس كورپوراتسيياسى" جشس شاحتالارىندا شاتىرلاردى باسقارۋ بەكٸتپەلەرٸ قويىلماعان كەزدە جۇمىس جٷرگٸزٸلگەن (توركرەتبەتون جەنە بولات پوليمەر بەكٸتپەلەر جوق). كەنشٸلەر كەز كەلگەن ۋاقىتتا تاۋ-كەن ماسساسى استىندا قالۋى مٷمكٸن (جازاتايىم وقيعالاردىڭ 60 پايىزى دەل وسى زاڭبۇزۋشىلىقتاعا بايلانىستى)", - دەپ قوستى نۇرپەيٸسوۆ.
ول تەكسەرٸس بارىسىندا قاۋٸپسٸزدٸك تالاپتارىنا ساي كەلمەيتٸن 1,5 مىڭنان استام تەحنولوگييالىق جابدىق جۇمىسى انىقتالعانىن, ال 50-ٸ تولىعىمەن توقتاتىلاتىنىن اتاپ ٶتتٸ. ولاردا 2,5 مىڭنان استام جۇمىسشى جۇمىس ٸستەيدٸ.
"ازاماتتاردىڭ ەڭبەك قۇقىعىن بۇزۋشىلار قاتارىندا "قازتسينك", "قازحروم", "قازفوسفات", "ارالتۇز", "قازاقمىس" جەنە "ٶزەنمۇنايگاز" كومپانييالارى بار.
سونداي-اق, ەڭبەكتٸ قورعاۋ سالاسىنداعى جاعدايدى جەكەلەگەن جۇمىس بەرۋشٸلەردٸڭ ٶندٸرٸستە جاراقاتتانۋ جەنە جۇمىسشىلاردىڭ ٶلٸمٸن جاسىراتىن زاڭسىز ەرەكەتتەرٸ دە قيىنداتىپ وتىر. تەكسەرٸس بارىسىندا وسىنداي 40-تان استام فاكت انىقتالدى", - دەلٸنگەن ماقالادا.
جالپى, تەكسەرٸس قورىتىندىسى بويىنشا 69 قاداعالاۋ اكتٸسٸ ەنگٸزٸلٸپ, 226 تۇلعا ەكٸمشٸلٸك جاۋاپكەرشٸلٸككە تارتىلعان. پروكۋرورلاردىڭ اكتٸسٸ بويىنشا 30 مىڭ جۇمىسشىنىڭ جالاقىسى ٶسكەن, 600-دەن استام جۇمىسشىعا ٶتەماقى تٶلەنٸپ, قورعانىس قۇرالدارىمەن جەنە ارنايى تاماقپەن كەزەڭ-كەزەڭٸمەن قامتاماسىز ەتۋ باستالعان. سونداي-اق, 22 تەحنيكانىڭ جۇمىسى توقتاتىلدى, دەپ تٷيٸندەدٸ سٶزٸن ساپاربەك نۇرپەيٸسوۆ.
ول بۇل مەسەلە باس پروكۋروردىڭ ەرەكشە باقىلاۋىندا ەكەنٸن مەلٸمدەدٸ.
