© Sputnik
Qazaqstannyń bas prokýratýrasy urlanǵan qarýdy óz erkimen tapsyrǵan er adam ne sebepti qylmystyq jazadan bosatylmaitynyn túsindirdi, dep habarlaidy Sputnik Qazaqstan.
1-shi qyzmet bastyǵynyń orynbasary Eldos Qilymjanovtyń aitýynsha, YouTube jelisinde T. Toǵjannyń videosy jariialandy. Ol jubaiyn qylmystyq jaýapqa tartý máselesin kóterip otyr. Er adam qarýdy óz erkimen tapsyrǵan. Alaida politsiia ony bosatqan joq.
"Osy áieldiń jubaiy aǵymdaǵy jylǵy 6 qańtarda adamdar tobynda aýyr qylmys jasady degen kúdikke ilinip, Jambyl oblysy politsiia departamentiniń ǵimaratyna kirip, odan 3 "Kalashnikov" avtomatyn jáne tapanshany urlap ketken. Onyń áreketteri Qylmystyq Kodekstiń 291-baby boiynsha qarýdy urlaý retinde saralanady. Oǵan sáikes, qylmystyq jaýaptylyqtan bosatý kózdelmegen", - dedi Qilymjanov ortalyq kommýnikatsiialar qyzmetinde ótken onlain brifingte.
Osy oraida ol atys qarýyn, oq-dáriler men jarylǵysh zattardy saqtaǵan kezde ony erikti túrde tapsyrsa ǵana qylmystyq jaýapkershilikten bosatý sharasy qoldanylatynyn atap ótti.
Qarýdy saqtaýdan basqa qylmys quramy bolmaýy kerek.
