Bas prokýratýra qazaqstandyqtarǵa alaiaqtyq derekteri týraly eskertý jasady, - dep habarlaidy "Ult Aqparat".
Quzyrly mekeme messendjerlerde jalǵan paraqshalar ashý, prokýratýra organdarynyń qyzmetkerleriniń, tipti basshylyǵynyń atynan alaiaqtyq belgileri bar qońyraýlar men habarlamalar jiberý deregi jiilep ketkenin aityp otyr.
"Bas prokýratýra azamattardy beitanys akkaýnttarǵa senbeýge jáne kúmándi siltemeler boiynsha ótpeýge shaqyrady. Osyndai qońyraýlar nemese habarlamalar alǵan kezde quqyq qorǵaý organdaryna dereý habarlaýdy suraimyz", - dep jazylǵan habarlamada.
