Sońǵy ýaqytta derbes qurylǵylarda qaýipsizdik sertifikatyn paidalaný tártibi týraly aqparat belsendi taralýda, dep habarlady QR Bas prokýratýrasynyń baspasóz qyzmeti.
Tsifrlyq damý, sondai-aq aqparat jáne qoǵamdyq damý ministrlikteri ýákiletti memlekettik organdar retinde atalǵan sertifikattyń nysanaly maqsatyn túsindirdi.
Onyń eń aldymen quqyqqa qaishy kontentten (terrorizmge, ekstremizmge, sýitsidke shaqyrý, zorlyq-zombylyqty, qatygezdikti, pornografiiany nasihattaý jáne t.b.) qorǵaý ekenine nazar aýdaryldy.
Budan basqa, sertifikattyń elektrondyq qurylǵylardy «buzýdan», kibershabýyldar men virýstardan qorǵaityny atalyp ótildi.
Sonymen qatar, qoǵamda ony ornatý qajettiligi, júrgizilýi múmkin «ańdýlar» jáne t.b. týraly pikirtalastar tyiylmai otyr.
«Bas prokýratýra jeke ómirge qolsuǵylmaýshylyqqa, jeke basy men otbasy qupiiasyna, hat almasýǵa, telefon arqyly sóilesýge, habarlarǵa konstitýtsiialyq quqyqtardyń saqtalatynyna memleket kepildik beretinine nazar aýdarady. Olardy buzý qylmystyq jaýapkershilikke deiingi jaýaptylyqqa alyp keledi», - delingen habarlamada.
Atap aitqanda, elektrondyq aqparattyq resýrstarǵa, aqparattyq júiege zańsyz kirý nemese telekommýnikatsiialar jelisi boiynsha beriletin aqparatty zańsyz ustap qalý úshin qylmystyq jaýaptylyq bolady jáne bes jylǵa deiin bas bostandyǵynan aiyrý kózdelgen (Qylmystyq kodekstiń 147-babynyń 3-bóligi).
QK 148-babynda hat jazysý, telefonmen sóilesý, poshta, telegraf habarlary nemese ózge de habarlar qupiiasyn zańsyz buzǵany úshin jaýaptylyq belgilengen.
Prokýratýra organdary qadaǵalaý qyzmeti sheńberinde basqa memlekettik organdarmen birge mundai quqyq buzýshylyqtardyń jolyn kesip, kinálilerge tiisti sharalar qabyldaityn bolady.
