Órt qaýipsizdigine bailanysty buzýshylyqtardyń aldyn alý maqsatynda Bas prokýratýra órtke qarsy qyzmet organdaryna respýblika boiynsha barlyq saýda nysanyn jospardan tys tekserýdi uiymdastyrýdy tapsyrdy, dep habarlaidy qadaǵalaýshy organnyń baspasóz qyzmeti.
Baspasóz qyzmeti habarlaǵandai, eki ai ishinde 1,5 myń sharshy metr jáne odan da úlken qurylys aýdany bar 1151 nysandy tekserý josparlanǵan.
Saýda nysandarynan basqa, prokýratýranyń talaby boiynsha mektepke deiingi tárbie men oqýdy júzege asyratyn jeke mekemeler, sondai-aq jalpy bilim beretin oqý oryndary tekseriledi.
Atalǵan is-sharalardyń maqsaty – órtke qarsy qaýipsizdik talaptaryn óreskel buzyp otyrǵan nysandardyń qyzmet jolyn kesý, osyndai is-áreketterge yqpal etetin sebepterdi joiý.
"Órtke qarsy qyzmet organdary osy jyldyń birinshi jartyjyldyǵyna josparlanǵan saýda ortalyqtaryn ǵana teksere alatynyn atap ótemiz. Ýákiletti memlekettik organdarǵa adamnyń ómiri men densaýlyǵyna ziian keltirý qaýpi bolǵan kezde jospardan tys tekseris júrgizýdi tapsyrý quqyǵy prokýratýra organdaryna tiesili", — dep jazylǵan habarlamada.
