ٶرت قاۋٸپسٸزدٸگٸنە بايلانىستى بۇزۋشىلىقتاردىڭ الدىن الۋ ماقساتىندا باس پروكۋراتۋرا ٶرتكە قارسى قىزمەت ورگاندارىنا رەسپۋبليكا بويىنشا بارلىق ساۋدا نىسانىن جوسپاردان تىس تەكسەرۋدٸ ۇيىمداستىرۋدى تاپسىردى, دەپ حابارلايدى قاداعالاۋشى ورگاننىڭ باسپاسٶز قىزمەتٸ.
باسپاسٶز قىزمەتٸ حابارلاعانداي, ەكٸ اي ٸشٸندە 1,5 مىڭ شارشى مەتر جەنە ودان دا ٷلكەن قۇرىلىس اۋدانى بار 1151 نىساندى تەكسەرۋ جوسپارلانعان.
ساۋدا نىساندارىنان باسقا, پروكۋراتۋرانىڭ تالابى بويىنشا مەكتەپكە دەيٸنگٸ تەربيە مەن وقۋدى جٷزەگە اسىراتىن جەكە مەكەمەلەر, سونداي-اق جالپى بٸلٸم بەرەتٸن وقۋ ورىندارى تەكسەرٸلەدٸ.
اتالعان ٸس-شارالاردىڭ ماقساتى – ٶرتكە قارسى قاۋٸپسٸزدٸك تالاپتارىن ٶرەسكەل بۇزىپ وتىرعان نىسانداردىڭ قىزمەت جولىن كەسۋ, وسىنداي ٸس-ەرەكەتتەرگە ىقپال ەتەتٸن سەبەپتەردٸ جويۋ.
"ٶرتكە قارسى قىزمەت ورگاندارى وسى جىلدىڭ بٸرٸنشٸ جارتىجىلدىعىنا جوسپارلانعان ساۋدا ورتالىقتارىن عانا تەكسەرە الاتىنىن اتاپ ٶتەمٸز. ۋەكٸلەتتٸ مەملەكەتتٸك ورگاندارعا ادامنىڭ ٶمٸرٸ مەن دەنساۋلىعىنا زييان كەلتٸرۋ قاۋپٸ بولعان كەزدە جوسپاردان تىس تەكسەرٸس جٷرگٸزۋدٸ تاپسىرۋ قۇقىعى پروكۋراتۋرا ورگاندارىنا تيەسٸلٸ", — دەپ جازىلعان حابارلامادا.
