Bos jerler týraly málimetter halyqqa qoljetimdi bolýy tiis. Bul týraly búgin «100 naqty qadam» Ult josparynyń 94, 95 jáne 96 qadamdaryn oryndaý aiasynda «Aqparatqa qol jetkiz týraly» QR Zańynyń iske asyrylý barysyna arnalǵan dóńgelek ústel otyrysynda QR Bas prokýrorynyń orynbasary Andrei Kravchenko málim etti, dep habarlaidy QazAqparat.
«Taiaýda bos jerler týraly málimetter halyqqa qanshalyqty qoljetimdi ekendigin zerdelep kórdik. Úkimettiń azamattarǵa arnalǵan internet-resýrsynda aýdandardyń, qalalardyń jer-kadastrlyq syzbasy ornalastyrǵandyǵy jáne onyń apta saiyn jańartyp otyratyndyǵy anyqtaldy. Biraq, bos jerler týraly málimetter kórsetilmeidi», - dep atap ótti ol.
Bas prokýror orynbasarynyń sózine qaraǵanda, mundai aqparat úsh kúnniń ishinde jazbasha suraý salǵan kezde ǵana beriledi.
«Bul rette biz de sheteldik tájiribeni qoldanymyz qajet siiaqty. Buǵan qosa, kórshi Ázerbaijan jyl saiyn halyqqa bos jerler týraly aqparat berip otyrady. Belarýs ta taiaý ýaqytta bul málimetterdi jerdiń jariia elektrondy kartasyna engizýdi josparlap otyr», - deidi Andrei Kravchenko.
.jpeg)