QR Bas prokýratýrasynyń 1 qyzmet bastyǵynyń orynbasary Eldos Qilymjanov ortalyq kommýnikatsiialar qyzmetinde ótken brifingide Almatydaǵy qańtar oqiǵasyna belsendi qatysqandardy atady, dep habarlaidy QazAqparat.
«Almaty qalasynda 25 naýryzda Sh. esimdi azamat qamaýǵa alyndy. Ol qaiǵyly qańtar kezinde «Anna» qarý-jaraq dúkeninen vintovkany jymqyryp, áýejaiǵa politsiia departamentine jáne Almaty qalasy, Almaly aýdanynyń politsiia basqarmasyna shabýyl jasady. Quqyq qorǵaý organdary N. esimdi azamatty anyqtady. Ol aǵymdaǵy jyldyń 5 qańtarynda bir top adammen birge «Qazaeronavigatsiia» ǵimaratyn basyp aldy jáne Almaty qalasy áýejaiynyń ushý-qoný jolaǵynyń jaryǵyn óshirdi», - dedi Bas prokýratýra ókili.
Onyń aitýynsha, Almaty qalasy ákimdiginiń aldyndaǵy tártipsizdikti uiymdastyrdy degen kúdikpen Almaty oblysynyń turǵyndary da ustalǵan.
«Arnaiy prokýrarlar aǵymdaǵy jyly 4 sáýirinde Almaty qalasy ákimdiginiń aldynda jappai tártipsizdik uiymdastyrǵany úshin Almaty oblysynyń 10 turǵynyn ustady», - dedi Eldos Qilymjanov.
