Bas prokýratýra Almaty qalasy, Aqtóbe, Almaty, Shyǵys Qazaqstan, Qyzylorda jáne Pavlodar oblystarynyń tabiǵatty qorǵaý departamenti basshylaryn jaýapkershilikke tartty, - dep habarlaidy Tengrinews.kz.
Bas prokýratýranyń málimetinshe, eldi mekender mańyndaǵy turmystyq jáne óndiristik qaldyqtardyń zańsyz shyǵarylýyna qatysty azamattardyń aryz-shaǵymdary jiilep ketken. Jaqynda tabiǵatty qorǵaý zańnamasynyń saqtalýyna aýdit júrgizildi.
"Qazaqstan Ǵarysh Sapary" ǵaryshtyq monitoringiniń málimeti boiynsha, eldi mekenderde jyl saiyn 9 myńǵa deiin zańsyz poligon qurylǵan. Almaty qalasynyń prokýrorlary Alataý, Medeý jáne Túrksib aýdandarynyń aýmaǵynda 17 kommýnaldyq jáne óndiristik qaldyqtar kómilgen jerdi anyqtady, qazir úiindiler joiyldy.
Jiberilgen kemshilikter úshin Aqtóbe, Almaty, Shyǵys Qazaqstan, Qyzylorda, Pavlodar oblystary men Almaty ekologiia departamenti basshylary, sondai-aq jaýapty ministrliktiń laýazymdy tulǵalary tártiptik jaýapkershilikke tartyldy", - dep habarlady vedomstvodan.
