Foto: © Sputnik / Kirill Kallinikov
Bas prokýratýra alaiaqtyq jasady degen kúdiktini Shvetsiiadan ekstraditsiialady, - dep habarlaidy "Ult aqparat" vedomstvonyń baspasóz qyzmetine silteme jasap.
2019 jyldyń tamyzynda Almatyda ózderin "Ulttyq qaýipsizdik organdarynyń qyzmetkerlerimiz" dep tanystyrǵan bir top adam kásipker isine tekserý júrgizip, qylmystyq jaýaptylyqqa tartamyz degen jeleýmen 30 myń AQSh dollary kólemindegi qarajatty jymqyrmaq bolǵan.
Olardyń áreketteriniń jolyn kesý kezinde, bireýi qylmystyq qýdalaý organdarynan jasyrynyp úlgergen, sondyqtan ol halyqaralyq izdeýge jariialandy.
"Keiinnen Qazaqstan tarapynyń ótinishi boiynsha ony Shvetsiia Koroldiginiń quqyq qorǵaý organdary Stokgolm qalasynda ustady.
QR Bas prokýratýrasy jáne IIM Interpol qyzmetkerleri, sondai-aq Syrtqy ister ministrliginiń qoldaýymen kúdikti Qazaqstanǵa jetkizildi.
Qazirgi ýaqytta ol Astana qalasynyń tergeý izoliatoryna qamaldy" - delingen habarlamada.
Bul qylmysty jasaǵany úshin osyǵan tektes qylmys jasaǵandar múlki tárkilenip, 5 jyldan 10 jylǵa deiin bas bostandyǵynan aiyrý jazasyna kesilýi múmkin.
