QR Bas prokýratýrasynyń Quqyqtyq statistika jáne arnaiy esepke alý jónindegi komiteti kiber shabýyldardy taldaý jáne tergeý ortalyǵynyń (KShTTO) aqparattyq júielerden derekterdiń shyǵý týraly habarlamasy boiynsha tiisti tekserý júrgizdi.
Bul týraly Bas prokýratýranyń resmi saitynda jariialandy, dep habarlaidy "Ult aqparat".
Ondaǵy málimetterge qaraǵanda, ikimshilik quqyq buzýshylyqtar boiynsha derekter Internet jelisinde ashyq túrde qoljetimdi emes ekeni anyqtaldy. Arnaiy sáikestendirýsiz júiege kirý múmkin emes.
Sonymen qatar KShTTO-men birge júieniń osaldyǵyna áser etpeitin jáne saqtalatyn málimetterdi qorǵaý úshin qaýip tóndirmeitin jekelegen táýekelder anyqtaldy. Qazirgi ýaqytta tehnikalyq qatelikter joiyldy.
«Jalpy, Komitet aqparattyq júielerdi qurý kezinde barlyq jeke jáne zańdy tulǵalardyń derbes derekteriniń saqtalýyna erekshe kóńil bóledi. Osy maqsatta vedomstvo túrli quzyretti uiymdarmen, onyń ishinde KShTTO-pen yqpaldastyqty júzege asyrady. Atap aitqanda, 2018 jyly bekitilgen Memorandýmǵa sáikes KShTTO-men birge Komitettiń aqparattyq júielerin zańsyz qol jetkizý táýekelderine tekserý júrgizildi. Qaýip anyqtalǵan joq»,-delingen habarlamada.
