Foto: QMDB baspasóz qyzmeti
Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly qaiyrymdy isi men imandylyqtyń jarqyn úlgisin kórsetken 94 jastaǵy aqsaqal Saǵadat Jumabaevqa shynaiy alǵysyn bildirip, qajylyq saparyna joldama syilady.
QMDB Tóraǵasynyń tapsyrmasymen Pavlodar oblysynyń bas imamy Joldas Qospaquly múftiiat atynan berilgen qajylyq saparynyń joldama sertifikatyn Saǵadat aqsaqalǵa arnaiy baryp tapsyrdy.
Aita keteiik, Saǵadat Jumabaev Pavlodar qalasyndaǵy qarttar úiinde 13 jyldan beri turyp keledi. Týystary bolmaǵanyna qaramastan, ol ómir boiy qajylyqqa dep jinaǵan qarjysyn syrqat balasy bar analarǵa taratyp bergen edi. Qariia 3 600 000 teńgeni 30 anaǵa bólip, árqaisysyna 120 000 teńgeden kómek kórsetken bolatyn.
