فوتو: قمدب باسپاسٶز قىزمەتٸ
قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى قايىرىمدى ٸسٸ مەن يماندىلىقتىڭ جارقىن ٷلگٸسٸن كٶرسەتكەن 94 جاستاعى اقساقال ساعادات جۇماباەۆقا شىنايى العىسىن بٸلدٸرٸپ, قاجىلىق ساپارىنا جولداما سىيلادى.
قمدب تٶراعاسىنىڭ تاپسىرماسىمەن پاۆلودار وبلىسىنىڭ باس يمامى جولداس قوسپاقۇلى مٷفتييات اتىنان بەرٸلگەن قاجىلىق ساپارىنىڭ جولداما سەرتيفيكاتىن ساعادات اقساقالعا ارنايى بارىپ تاپسىردى.
ايتا كەتەيٸك, ساعادات جۇماباەۆ پاۆلودار قالاسىنداعى قارتتار ٷيٸندە 13 جىلدان بەرٸ تۇرىپ كەلەدٸ. تۋىستارى بولماعانىنا قاراماستان, ول ٶمٸر بويى قاجىلىققا دەپ جيناعان قارجىسىن سىرقات بالاسى بار انالارعا تاراتىپ بەرگەن ەدٸ. قارييا 3 600 000 تەڭگەنٸ 30 اناعا بٶلٸپ, ەرقايسىسىنا 120 000 تەڭگەدەن كٶمەك كٶرسەتكەن بولاتىن.
