Qazaqstan musylmandary dini basqarmasynyń tóraǵasy Serikbai qajy Oraz orazany aryqtaý úshin emes, Allanyń razylyǵy úshin ustaý kerek ekenin túsindirdi, dep habarlaidy Sputnik Qazaqstan tilshisi.
Qazaqstan musylmandary dini basqarmasynda ótken brifingte Bas múfti orazanyń sharttary týraly aitty.
"Densaýlyqqa paidaly eken. Bir ai oraza ustasam, ishim tazaryp, jaqsy bolyp qalady" degen oimen oraza ustaýǵa bolmaidy. Ondai adamǵa saýap joq. Bálkim adamnyń aǵzasyna belgili bir deńgeide orazanyń paidasy tietin shyǵar. Biraq ol Allaǵa qulshylyq jasap jatqan joq. Onda adam tek jeke basynyń máselesin oilap tur", - dedi Bas múfti Qazaqstan musylmandary dini basqarmasynda ótken brifingte.
Serikbai qajy Orazdyń aitýynsha, qasietti Ramazan aiynda musylman Allanyń rizashylyǵy úshin aýyz bekitýi kerek.
"Ramazan aiynda musylman taza niet, kirshiksiz peiilmen qulshylyq etkende ǵana adamnyń azǵasyna orazanyń paidasy tiedi. Adam rýhani baiidy", - deidi Bas múfti.
Sondai-aq, Qazaqstan musylmandary dini basqarmasynyń tóraǵasy biyl Ramazan 30 kúnge sozylatynyn, osy ýaqyt aralyǵynda azamattarǵa túsindirý jumystary júrgiziletinin atap ótti.
