قازاقستان مۇسىلماندارى دٸني باسقارماسىنىڭ تٶراعاسى سەرٸكباي قاجى وراز ورازانى ارىقتاۋ ٷشٸن ەمەس, اللانىڭ رازىلىعى ٷشٸن ۇستاۋ كەرەك ەكەنٸن تٷسٸندٸردٸ, دەپ حابارلايدى Sputnik قازاقستان تٸلشٸسٸ.
قازاقستان مۇسىلماندارى دٸني باسقارماسىندا ٶتكەن بريفينگتە باس مٷفتي ورازانىڭ شارتتارى تۋرالى ايتتى.
"دەنساۋلىققا پايدالى ەكەن. بٸر اي ورازا ۇستاسام, ٸشٸم تازارىپ, جاقسى بولىپ قالادى" دەگەن ويمەن ورازا ۇستاۋعا بولمايدى. ونداي ادامعا ساۋاپ جوق. بەلكٸم ادامنىڭ اعزاسىنا بەلگٸلٸ بٸر دەڭگەيدە ورازانىڭ پايداسى تيەتٸن شىعار. بٸراق ول اللاعا قۇلشىلىق جاساپ جاتقان جوق. وندا ادام تەك جەكە باسىنىڭ مەسەلەسٸن ويلاپ تۇر", - دەدٸ باس مٷفتي قازاقستان مۇسىلماندارى دٸني باسقارماسىندا ٶتكەن بريفينگتە.
سەرٸكباي قاجى ورازدىڭ ايتۋىنشا, قاسيەتتٸ رامازان ايىندا مۇسىلمان اللانىڭ ريزاشىلىعى ٷشٸن اۋىز بەكٸتۋٸ كەرەك.
"رامازان ايىندا مۇسىلمان تازا نيەت, كٸرشٸكسٸز پەيٸلمەن قۇلشىلىق ەتكەندە عانا ادامنىڭ ازعاسىنا ورازانىڭ پايداسى تيەدٸ. ادام رۋحاني باييدى", - دەيدٸ باس مٷفتي.
سونداي-اق, قازاقستان مۇسىلماندارى دٸني باسقارماسىنىڭ تٶراعاسى بيىل رامازان 30 كٷنگە سوزىلاتىنىن, وسى ۋاقىت ارالىعىندا ازاماتتارعا تٷسٸندٸرۋ جۇمىستارى جٷرگٸزٸلەتٸنٸن اتاپ ٶتتٸ.
