Qazaqstan musylmandary dini basqarmasynyń tóraǵasy, Bas múfti Serikbai qajy Oraz qazaqstandyqtardy Ait merekesimen quttyqtady, dep habarlaidy "Ult aqparat".
«Barshańyzdy kúlli musylman úmbetiniń ulyq merekesi - oraza aitpen quttyqtaimyn. Ár otbasyna baq pen bereke, birlik pen igilik tileimin. Alla Taǵala otyz kún tutqan orazamyzdy, jasaǵan qulshylyq-ǵibadatymyzdy, bergen sadaqymyzdy, barsha igi imalymyzdy qabyl etip, mol saýaptan jazǵai! «Ait» sózi - «merekeleý», «hal surasý», «bir-birin qýantý», «qýanyshqa toptalý», «qarymta» degen maǵynalardy bildiredi. Alla Taǵala barsha otbasyna bereketin jaýdyryp, qasietti ramazan aiynda yjdahattylyqpen aýyz bekitken jamaǵattyń qýanyshyn arttyrǵai!», - delingen Bas múftidiń quttyqtaýynda.
Sondai-aq, Serikbai qajy Oraz Oraza jabyrqaǵan jandy demep, qariialardy qýanyshqa bólep, kómekke muqtaj adamnyń alǵysy men batasyn alý - ol da saýapty amaldyń biri ekendigin atap aitty.
«Oraza ait - otbasylyq mereke. Meiram kúni ata-anamyzǵa, kishkentai búldirshinderge, aǵaiyn-týystarǵa syilyq úlestirip, olardy qýanyshqa bóleý - merekeniń sánin arttyra túsetin igi is. Jabyrqaǵan jandy demep, qariialardy qýanyshqa bólep, kómekke muqtaj adamnyń alǵysy men batasyn alý - ol da saýapty amaldyń biri», - dedi Bas múfti.
