قازاقستان مۇسىلماندارى دٸني باسقارماسىنىڭ تٶراعاسى, باس مٷفتي سەرٸكباي قاجى وراز قازاقستاندىقتاردى ايت مەرەكەسٸمەن قۇتتىقتادى, دەپ حابارلايدى "ۇلت اقپارات".
«بارشاڭىزدى كٷللٸ مۇسىلمان ٷمبەتٸنٸڭ ۇلىق مەرەكەسٸ - ورازا ايتپەن قۇتتىقتايمىن. ەر وتباسىنا باق پەن بەرەكە, بٸرلٸك پەن يگٸلٸك تٸلەيمٸن. اللا تاعالا وتىز كٷن تۇتقان ورازامىزدى, جاساعان قۇلشىلىق-عيباداتىمىزدى, بەرگەن ساداقىمىزدى, بارشا يگٸ يمالىمىزدى قابىل ەتٸپ, مول ساۋاپتان جازعاي! «ايت» سٶزٸ - «مەرەكەلەۋ», «حال سۇراسۋ», «بٸر-بٸرٸن قۋانتۋ», «قۋانىشقا توپتالۋ», «قارىمتا» دەگەن ماعىنالاردى بٸلدٸرەدٸ. اللا تاعالا بارشا وتباسىنا بەرەكەتٸن جاۋدىرىپ, قاسيەتتٸ رامازان ايىندا ىجداھاتتىلىقپەن اۋىز بەكٸتكەن جاماعاتتىڭ قۋانىشىن ارتتىرعاي!», - دەلٸنگەن باس مٷفتيدٸڭ قۇتتىقتاۋىندا.
سونداي-اق, سەرٸكباي قاجى وراز ورازا جابىرقاعان جاندى دەمەپ, قارييالاردى قۋانىشقا بٶلەپ, كٶمەككە مۇقتاج ادامنىڭ العىسى مەن باتاسىن الۋ - ول دا ساۋاپتى امالدىڭ بٸرٸ ەكەندٸگٸن اتاپ ايتتى.
«ورازا ايت - وتباسىلىق مەرەكە. مەيرام كٷنٸ اتا-انامىزعا, كٸشكەنتاي بٷلدٸرشٸندەرگە, اعايىن-تۋىستارعا سىيلىق ٷلەستٸرٸپ, ولاردى قۋانىشقا بٶلەۋ - مەرەكەنٸڭ سەنٸن ارتتىرا تٷسەتٸن يگٸ ٸس. جابىرقاعان جاندى دەمەپ, قارييالاردى قۋانىشقا بٶلەپ, كٶمەككە مۇقتاج ادامنىڭ العىسى مەن باتاسىن الۋ - ول دا ساۋاپتى امالدىڭ بٸرٸ», - دەدٸ باس مٷفتي.
