Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly dári baǵasyn qoldan qymbattatpaýǵa shaqyrdy, – dep habarlaidy "Ult aqparat".
«Asyl dinimizde qajet ýaqytta kerek kómekti jasaý úlken saýapty amaldyń birine jatady. Syndarly sátte naýqas jandarǵa qajetti dári-dármekti jetkizip, alǵysyn alaiyq. Dári baǵasyn qoldan qymbattatýǵa jol bermei, jaqsylyq jasaýǵa asyǵaiyq. Al jurtymyzdy juqpaly indetten arashalap alýǵa bar kúshin jumsap, ján-tánimen qyzmet etip júrgen aq halatty abzal jandarǵa jyly sózimizdi arnap, jigerin oiataiyq. Olar úshin árdaiym duǵada bolaiyq», - dedi QMDB tóraǵasy videoúndeýde.
Bas múftidiń kóptegen azamat synaq sátinde sadaqa berip, qurban shalyp, duǵa etip jatqandyǵyn atap ótti. Sadaqamyz ben qurbandyǵymyz osy bir náýbetti kezeńnen aman-esen ótýge sebepker bolsyn degen tilegin jetkizdi.
«Biz taǵy da jamaǵatpen duǵa jasap, istiǵfar, salaýat aitýǵa niet etip otyrmyz. Halyq danalyǵy: «Kóp tilegi kól bolar« deidi. Barshańyzdy kóppen birge el igiligi úshin duǵa jasap, salaýat pen istiǵfar aitýǵa shaqyramyn. Halqymyz: «Aýyr jol – atańdy synaidy, aýyr is – adamdy synaidy» degen. Rasynda bul synaq jas pen jasamysqa ońai tiip jatqan joq. Alla Taǵala dertke shaldyqqandarǵa shipa berip, dám-tuzy taýsylǵan jandardy meiirimine alǵai. Ámin!», - dedi Naýryzbai qajy Taǵanuly.
