قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى دەرٸ باعاسىن قولدان قىمباتتاتپاۋعا شاقىردى, – دەپ حابارلايدى "ۇلت اقپارات".
«اسىل دٸنٸمٸزدە قاجەت ۋاقىتتا كەرەك كٶمەكتٸ جاساۋ ٷلكەن ساۋاپتى امالدىڭ بٸرٸنە جاتادى. سىندارلى سەتتە ناۋقاس جاندارعا قاجەتتٸ دەرٸ-دەرمەكتٸ جەتكٸزٸپ, العىسىن الايىق. دەرٸ باعاسىن قولدان قىمباتتاتۋعا جول بەرمەي, جاقسىلىق جاساۋعا اسىعايىق. ال جۇرتىمىزدى جۇقپالى ٸندەتتەن اراشالاپ الۋعا بار كٷشٸن جۇمساپ, جەن-تەنٸمەن قىزمەت ەتٸپ جٷرگەن اق حالاتتى ابزال جاندارعا جىلى سٶزٸمٸزدٸ ارناپ, جٸگەرٸن وياتايىق. ولار ٷشٸن ەردايىم دۇعادا بولايىق», - دەدٸ قمدب تٶراعاسى ۆيدەوٷندەۋدە.
باس مٷفتيدٸڭ كٶپتەگەن ازامات سىناق سەتٸندە ساداقا بەرٸپ, قۇربان شالىپ, دۇعا ەتٸپ جاتقاندىعىن اتاپ ٶتتٸ. ساداقامىز بەن قۇرباندىعىمىز وسى بٸر نەۋبەتتٸ كەزەڭنەن امان-ەسەن ٶتۋگە سەبەپكەر بولسىن دەگەن تٸلەگٸن جەتكٸزدٸ.
«بٸز تاعى دا جاماعاتپەن دۇعا جاساپ, يستيعفار, سالاۋات ايتۋعا نيەت ەتٸپ وتىرمىز. حالىق دانالىعى: «كٶپ تٸلەگٸ كٶل بولار« دەيدٸ. بارشاڭىزدى كٶپپەن بٸرگە ەل يگٸلٸگٸ ٷشٸن دۇعا جاساپ, سالاۋات پەن يستيعفار ايتۋعا شاقىرامىن. حالقىمىز: «اۋىر جول – اتاڭدى سىنايدى, اۋىر ٸس – ادامدى سىنايدى» دەگەن. راسىندا بۇل سىناق جاس پەن جاسامىسقا وڭاي تيٸپ جاتقان جوق. اللا تاعالا دەرتكە شالدىققاندارعا شيپا بەرٸپ, دەم-تۇزى تاۋسىلعان جانداردى مەيٸرٸمٸنە العاي. ەمين!», - دەدٸ ناۋرىزباي قاجى تاعانۇلى.
