QMDB Tóraǵasy, Bas múfti Naýryzbai qajy Taǵanuly Almatydaǵy qaiǵyly oqiǵa kezinde qaza tapqan azamattardyń otbasylaryna arnaiy baryp, kóńil aitty. Qaraly úige Quran baǵyshtap, týǵan-týysty sabyrǵa shaqyrdy, dep habarlaidy muftyat.kz saity.
«Qazaq mundaida «tas túsken jerine aýyr» degen. Árine et jaqynyńnan aiyrylý ońai emes. Sizderge Alladan kórkem sabyr tileimiz. Qasietti Quranda qiyndyqtan soń, bir jaqsylyqtyń keletini aitylǵan. Synaqqa synbai, sabyr etseńizder, Jaratqannyń pendesine berer syiy mol. Alla Taǵala marqumdardyń janyn jánnattyq etsin!» - dedi Bas múfti.
