قمدب تٶراعاسى, باس مٷفتي ناۋرىزباي قاجى تاعانۇلى الماتىداعى قايعىلى وقيعا كەزٸندە قازا تاپقان ازاماتتاردىڭ وتباسىلارىنا ارنايى بارىپ, كٶڭٸل ايتتى. قارالى ٷيگە قۇران باعىشتاپ, تۋعان-تۋىستى سابىرعا شاقىردى, دەپ حابارلايدى muftyat.kz سايتى.
«قازاق مۇندايدا «تاس تٷسكەن جەرٸنە اۋىر» دەگەن. ەرينە ەت جاقىنىڭنان ايىرىلۋ وڭاي ەمەس. سٸزدەرگە اللادان كٶركەم سابىر تٸلەيمٸز. قاسيەتتٸ قۇراندا قيىندىقتان سوڭ, بٸر جاقسىلىقتىڭ كەلەتٸنٸ ايتىلعان. سىناققا سىنباي, سابىر ەتسەڭٸزدەر, جاراتقاننىڭ پەندەسٸنە بەرەر سىيى مول. اللا تاعالا مارقۇمداردىڭ جانىن جەنناتتىق ەتسٸن!» - دەدٸ باس مٷفتي.
