QR DSM Sanitariialyq-epidemiologiialyq baqylaý komiteti saitynda Bas memlekettik sanitar dárigeri Erlan Qiiasovtyń jańa qaýlysy jariialandy, dep habarlaidy "Ult aqparat".
Qujat Qazaqstan Respýblikasynyń memlekettik shekarasyndaǵy ótkizý pýnktterinde koronavirýstyq infektsiia aýrýynyń aldyn alý jónindegi sharalardy odan ári kúsheitýge qatysty bolyp otyr.
Qaýlyǵa sáikes:
1. Oblystardyń, Almaty, Nur-Sultan, Shymkent qalalarynyń ákimderi, densaýlyq saqtaý basqarmalarynyń basshylary, ortalyq memlekettik organdar, kóliktegi Sanitariialyq-epidemiologiialyq baqylaý departamenti:
1) Qazaqstan Respýblikasyna shetelden aviareistermen keletin adamdarǵa qatysty is-sharalardy mynadai tártippen júrgizýdi qamtamasyz etsin:
olardy ertip júretin adamdarda PTR ádisimen COVID-19-ǵa testten ótkeni týraly anyqtama bolǵan kezde 5 jasqa deiingi balalardy, Qazaqstan Respýblikasynyń úkimettik delegatsiialaryn; QR Syrtqy ister ministrliginiń shaqyrýy boiynsha Qazaqstanǵa keletin shet memleketterdiń jáne halyqaralyq uiymdardyń resmi delegatsiialarynyń múshelerin; Qazaqstanda akkredittelgen diplomatiialyq ókildikterdiń, konsýldyq mekemelerdiń jáne halyqaralyq uiymdar ókildikteriniń qyzmetkerleri men olardyń otbasy múshelerin; aviakompaniialar ekipajdaryn qospaǵanda, Qazaqstan Respýblikasynyń Memlekettik shekarasyn kesip ótken barlyq keletinder kem degende 3 táýlik buryn alynǵan anyqtamany usyný qajet.
«Qazaqstan Respýblikasynyń úkimettik delegatsiialaryn; QR Syrtqy ister ministrliginiń shaqyrýy boiynsha Qazaqstanǵa keletin shet memleketterdiń jáne halyqaralyq uiymdardyń resmi delegatsiialarynyń múshelerin; Qazaqstanda akkredittelgen diplomatiialyq ókildikterdiń, konsýldyq mekemelerdiń jáne halyqaralyq uiymdar ókildikteriniń qyzmetkerleri men olardyń otbasy múshelerin; aviakompaniialar ekipajdaryn qospaǵanda, Qazaqstanǵa shetelden halyqaralyq jolaýshylar aviareisterimen kelgen adamdarǵa qatysty shekteý sharalary osy qaýlyǵa 1-qosymshaǵa sáikes júrgiziledi», - delingen qujatta.
Sonymen qatar, halyqaralyq tranzitpen júretin jolaýshylar tranzittik aimaqtan shyqpaidy jáne sońǵy mejeli pýnktte shekteý sharalaryn júrgizýge jatady;
Qazaqstanǵa shetelden keletin elimizde akkredittelgen diplomatiialyq ókildikterdiń, konsýldyq mekemelerdiń jáne halyqaralyq uiymdar ókildikteriniń qyzmetkerleri men olardyń otbasy músheleri bolatyn/turatyn jeri boiynsha COVID-19-ǵa zerthanalyq zerttep-qaraýǵa jatady. Olarǵa osy qaýlyǵa 3-qosymshaǵa sáikes tiisti qolhat alyna otyryp, COVID-19-dyń yqtimal simptomdary týraly túsindirý júrgiziledi.
Munymen qosa, qaýlyda Qazaqstanǵa QR Memlekettik shekarasy arqyly ótkizý pýnktterinen temirjol, teńiz, ózen kóliginde jáne avtoótpe joldarynda keletin adamdarǵa qatysty is-sharalardy tiisti tártippen júrgizý qamtamasyz etilmek.
Áýe kompaniialary basshylaryna tiisti sharalardy qamtamasyz etý tapsyryldy:
1) Anyqtama bolmaǵan jaǵdaida QR azamattary bolyp tabylmaityn jolaýshylardy áýe kemesiniń bortyna otyrǵyzýǵa jibermeýdi;
2) ushý kezinde jolaýshylar men ekipajǵa saýalnama júrgizýdi, onyń ishinde tolyq toltyrylǵanyn tekserýdi, tolyq toltyrylmaǵan jaǵdailarda qosymsha saýalnama júrgizýdi;
3) toltyrylǵan saýalnamalardy, manifestti jáne áýe kemesiniń bas deklaratsiiasyn ushyp keletin áýejaidaǵy sanitariialyq-karantindik pýnkttiń mamanyna tez arada berýdi;
4) tirkeýden ótý, áýe kemesine otyrǵyzý jáne odan túsirý kezinde jolaýshylar arasynda qaýipsiz qashyqtyqty (keminde 1 metr) jáne maska rejimin saqtaýdy;
5) áýe kemesiniń bortynda jeke qorǵanysh quraldarynyń (maskalar, qolǵaptar), qolǵa arnalǵan antiseptikterdiń, dezinfektsiialaý quraldarynyń bolýyn;
6) ushý kezinde áýe kemesiniń salonynda jolaýshylardyń qozǵalysyn, sondai-aq dárethananyń janynda jinalýyn shekteýdi;
7) qyzmetkerlerdi jumysqa jeke qorǵanysh quraldary (meditsinalyq maskalar, qolǵaptar) bolǵan kezde jiberýdi;
8) dene temperatýrasyn ólshei otyryp, qyzmetkerlerdi aýysym aldyndaǵy (ushý aldyndaǵy) meditsinalyq qarap-tekserýden ótkizýdi;
9) turaqty halyqaralyq áýe qatynastaryn qalpyna keltirý aldynda áýe kemelerindegi aýa baptaý, jeldetý júielerine reviziia júrgizýdi jáne súzgilerdi aýystyrýdy qamtamasyz etsin.
Atalǵan qaýlynyń tolyq nusqasymen myna jerden tanysýǵa bolady.
