Qurlyqtyq hokkei ligasy (QHL) 2020 jylǵy juldyzdar matchyna qatysatyndar tizimin jariia etti, dep habarlaidy "Ult aqparat".
«Barys» hokkei klýby málim etkenindei, Máskeýde 18-19 qańtarda ótetin jyldyń basty shoýyna QHL-dyń 24 klýbynda oinaityn 40 oiynshy attanbaqshy.
Solardyń ishinde «Barystyń» kapitany, Qazaqstan quramasynyń qorǵaýshysy, tegi kanadalyq Darren Dits bar. Ol «Avangard» hokkei klýbynyń bas bapkeri Bob Hartli basshylyq etetin Chernyshev divizionynyń namysyn qorǵaidy.
QHL juldyzdaryn tańdaý úsh kezeńde júrgizildi. Aldymen olardy jankúierler, sodan keiin BAQ ókilderi tańdady. Sońǵy 16 hokkeishini QHL iriktedi. Match qarsańynda komandalar MHL shaqyrý kýbogynyń tórt úzdik oiynshysymen tolyǵatyn bolady.
Tórt divizion quramalary 18 qańtar kúni sheberlik shoýyn ótkizedi. Al 19 qańtarda matchtyń ózi shaǵyn týrnir túrinde ótedi.
Eske sala keteiik, budan buryn «Barystyń» SKA komandasynan utylǵanyn jazǵan edik.
Andrei Skabelkanyń shákirtteri erteń Máskeýdiń «Dinamosyn» qabyldaidy.
Keshe «Dinamo» Máskeýde TsSKA komandasyn 3:0 esebimen utyp ketti. Bul «Dinamonyń» chempionattaǵy eki myńynshy jeńisi edi.
«Dinamo» 53 upaimen QHL-dyń jalpy kestesinde besinshi, Batys konferentsiiasynda úshinshi orynda keledi. Shyǵys konferentsiiada tórtinshi orynda turǵan «Barystyń» odan úsh upaiy kem.
