قۇرلىقتىق حوككەي ليگاسى (قحل) 2020 جىلعى جۇلدىزدار ماتچىنا قاتىساتىندار تٸزٸمٸن جارييا ەتتٸ, دەپ حابارلايدى "ۇلت اقپارات".
«بارىس» حوككەي كلۋبى مەلٸم ەتكەنٸندەي, مەسكەۋدە 18-19 قاڭتاردا ٶتەتٸن جىلدىڭ باستى شوۋىنا قحل-دىڭ 24 كلۋبىندا وينايتىن 40 ويىنشى اتتانباقشى.
سولاردىڭ ٸشٸندە «بارىستىڭ» كاپيتانى, قازاقستان قۇراماسىنىڭ قورعاۋشىسى, تەگٸ كانادالىق داررەن ديتس بار. ول «اۆانگارد» حوككەي كلۋبىنىڭ باس باپكەرٸ بوب حارتلي باسشىلىق ەتەتٸن چەرنىشەۆ ديۆيزيونىنىڭ نامىسىن قورعايدى.
قحل جۇلدىزدارىن تاڭداۋ ٷش كەزەڭدە جٷرگٸزٸلدٸ. الدىمەن ولاردى جانكٷيەرلەر, سودان كەيٸن باق ٶكٸلدەرٸ تاڭدادى. سوڭعى 16 حوككەيشٸنٸ قحل ٸرٸكتەدٸ. ماتچ قارساڭىندا كوماندالار محل شاقىرۋ كۋبوگىنىڭ تٶرت ٷزدٸك ويىنشىسىمەن تولىعاتىن بولادى.
تٶرت ديۆيزيون قۇرامالارى 18 قاڭتار كٷنٸ شەبەرلٸك شوۋىن ٶتكٸزەدٸ. ال 19 قاڭتاردا ماتچتىڭ ٶزٸ شاعىن تۋرنير تٷرٸندە ٶتەدٸ.
ەسكە سالا كەتەيٸك, بۇدان بۇرىن «بارىستىڭ» سكا كومانداسىنان ۇتىلعانىن جازعان ەدٸك.
اندرەي سكابەلكانىڭ شەكٸرتتەرٸ ەرتەڭ مەسكەۋدٸڭ «ديناموسىن» قابىلدايدى.
كەشە «دينامو» مەسكەۋدە تسسكا كومانداسىن 3:0 ەسەبٸمەن ۇتىپ كەتتٸ. بۇل «دينامونىڭ» چەمپيوناتتاعى ەكٸ مىڭىنشى جەڭٸسٸ ەدٸ.
«دينامو» 53 ۇپايمەن قحل-دىڭ جالپى كەستەسٸندە بەسٸنشٸ, باتىس كونفەرەنتسيياسىندا ٷشٸنشٸ ورىندا كەلەدٸ. شىعىس كونفەرەنتسييادا تٶرتٸنشٸ ورىندا تۇرعان «بارىستىڭ» ودان ٷش ۇپايى كەم.
